Tags-Dil

utre na kisī ke jab dil meñ us baat kā hāsil kyā vaa.iz
kahne ko kahī yuuñ apnī sī afsos na tū ne kah jaanā

sun leñ dil-e-nādāñ kī bāteñ be-kār bigāḌeñ kaam apnā
vo zulm kareñ ham par ki sitam ai 'shād' hameñ to sah jaanā

dasht-e-junūñ se aa ga.e shahr-e-ḳhirad meñ ham
dil ko magar ye sāneha achchhā nahīñ lagā

taare to chamak apnī dikhāte haiñ sahar tak
dil Dūbne lagtā hai magar pichhle pahar se

un ke ghar 'dāġh' jā ke dekh liyā
dil ke kahne meñ aa ke dekh liyā

kitnī farhat-fazā thī bū-e-vafā
us ne dil ko jalā ke dekh liyā

jins-e-dil hai ye vo nahīñ saudā
har jagah se mañgā ke dekh liyā

log kahte haiñ chup lagī hai tujhe
hāl-e-dil bhī sunā ke dekh liyā

zaḳhm-e-dil meñ nahīñ hai qatra-e-ḳhūñ
ḳhuub ham ne dikhā ke dekh liyā

idhar ā.īna hai udhar dil hai
jis ko chāhā uThā ke dekh liyā

dete na dil jo tum ko to kyuuñ bantī jaan par
kuchh aap kī ḳhatā na thī apnā qusūr thā

niiñd ragoñ meñ dauḌ rahī hai por por bedārī hai
jism bahut hassās hai lekin dil jazbāt se aarī hai

bastī bastī qarya qarya kosoñ āñgan hai na muñDer
zehn ḳharāba dil vīrāna ghar a.asāb pe taarī hai

mah-e-kan.āñ ko mere is mah-e-kāmil se kyā nisbat
zuleḳhā ke mulavvis dil ko mere dil se kyā nisbat

kahe jaatā hai jo vaa.iz sune jaate haiñ ham lekin
jo ahl-e-dil nahīñ us ko hamāre dil se kyā nisbat

firāq-e-yār meñ merā dil-e-muztar na Thahregā
tumhīñ socho sukūñ ko tā.ir-e-bismil se kyā nisbat

kanīz-e-hazrat-e-mushkil-kushā huuñ dil se maiñ 'parvīñ'
ta.alluq mujh ko āsānī se hai mushkil se kyā nisbat

dil pe jo guzrī hai us par ashk-afshānī na kar
zindagī kī anjuman meñ marsiya-ḳhvānī na kar

dil vo shai hai ki jo dekhe to khiche yaar ke saath
ye dukāñ vo hai ki chaltī hai ḳharīdār ke saath

tāna-e-zulm-o-sitam lailā-o-shīrīñ pe abas
kyā kiyā aap ne ishq-e-dil-e-afgār ke saath