Tags-Dil

zindagī kā koī hadaf to banā
dil koī said kar kamān se duur

dil vo ātish-kada ki raushan hai
shahr-e-shīrāz o shervān se duur

huā huuñ dil setī bandā piyā kī mehrbānī kā
fidā kartā huuñ har dam jī kuuñ apne yār-e-jānī kā

uñjho añkhiyāñ ke roġhan haiñ hamāre shola-e-dil kuuñ
bujhānā ishq kī ātish nahīñ hai kaam paanī kā

asar kartā hai naala 'ābrū' kā sañg ke dil meñ
hunar sīkhā hai shāyad kohkan suuñ tesha-rānī kā

vo ek bichhḌe se miit jaisā vo ik bhulā.e se giit jaisā
koī purānī sī dhun jagā kar vajūd-o-dil meñ utar gayā vo

ik zamāna ho rahā hai ishq meñ ham se ḳhilāf
kis ke kis ke dil meñ dil Dāleñ ilāhī kyā kareñ

is dil kī ḳhabar tum se ziyāda kise hogī
andāz magar be-ḳhabarāna hai tumhārā

dil meñ koī aa jaa.e to vāpas nahīñ jaatā
dushvār yahāñ se kahīñ jaanā hai tumhārā

kyuuñ raushnī-o-rañg se ma.amūr na ho dil
sunsān sahī ā.ina-ḳhāna hai tumhārā

samjhāyā bujhāyā na karo dil ko 'shu.ūr' ab
kambaḳht ne kahnā kabhī maanā hai tumhārā

yahī rasta hai ab yahī manzil
ab yahīñ dil kisī bahāne lage

sher-dil ḳhaañ
maiñ ne dekhe tiis saal

bhaTak jā.egā dil ayyārī-e-idrāk se nikleñ
ye zanjīr-e-girāñ toḌeñ ham is pechāk se nikleñ

ibārateñ chamak rahī haiñ dil meñ tere pyaar kī
diye kī lau meñ jal rahī hai raat intizār kī

dil se ga.ī na masnad o asnād kī havas
paiham tavāf-e-shahr-e-hunar kar liyā to kyā

haiñ jigar meñ daaġh lahū hai dil haiñ tar āñkheñ siina figār hai
yahī rañg-o-bū yahī fasl-e-gul yahī be-kasoñ kī bahār hai

koī hasb-e-hāl ḳhitāb ho mire dil ko dil na kahā karo
use kyuuñ bahār kā naam do jo ḳhizāñ nasīb-e-bahār hai

ye maqām-e-ishq hai kaun sā ye haiñ kaisī sabr kī manzileñ
na taḌap hai dil meñ na dard hai na sukūn hai na qarār hai

ye sadā to hai vahī dukh bharī mire kaan jis se haiñ āshnā
zarā chup raho mujhe sunñe do ye to mere dil kī pukār hai