Tags-Dil

'ābrū' dekh yaar kā bro-dosh
dil huā hai kanār kī sūrat

dil chhīn āshiqoñ ke magar hoshiyār rah
aisā na ho ki dil ko banā le ġhulām hirs

qabza uThā.egī na dil-e-rozgār se
jab tak na zindagī kā kare iḳhtitām hirs

'parvīñ' lagī huī hai ḳhudā se mujhe umiid
dil ko mire banā.e na apnā ġhulām hirs

dil hī nahīñ to dil ke sahāroñ ko kyā karūñ
jab paas tum nahīñ to bahāroñ ko kyā karūñ

pas-e-hurūf koī dil kī vārdāt na thī
so ḳhush-ḳhatī se hī tahrīr ḳhushnumā kar dī

na dekhī us ne kabhī lauh-e-dil pe abjad-e-ishq
to chashm-o-āri-o-lab se ġhazal bapā kar dī

koī bhī nuqta-e-ḳhat zindagī pe ban na sakā
raqam kahīñ se ye tamsīl-e-dilrubā kar dī

mumkin nahīñ hai ishq kī baazī ko haar jaa.eñ
dil jaisī chiiz ham ne lagā.ī hai daav par

hasīñ jaise koī mūrat ho dil rakhtā hai patthar kā
vo kāfir kyuuñ burā maane sanam yuuñ bhī hai aur yuuñ bhī

masarrat meñ dil-e-hirmāñ-zada ko ḳhauf hai ġham kā
nahīñ mumkin mafar ġham se ki ġham yuuñ bhī hai aur yuuñ bhī

bahlā.eñge sair-e-gul-o-shabnam se dil apnā
us āriz-e-gul-rañg kī parvā na kareñge

tarab-zāroñ pe kyā biitī sanam-ḳhānoñ pe kyā guzrī
dil-e-zinda tire marhūm armānoñ pe kyā guzrī

zamīñ ne ḳhuun uglā āsmāñ ne aag barsā.ī
jab insānoñ ke dil badle to insānoñ pe kyā guzrī

hāl-e-dil to khul chukā is shahr meñ har shaḳhs par
haañ magar is shahr meñ ik be-ḳhabar bhī dekhnā

bhūlne vaale tujhe yaad kiyā hai barsoñ
dil-e-vīrāñ ko yuuñ ābād kiyā hai barsoñ

ġham jahāñ meñ vo rafīq-e-abadī hai apnā
jis ne har haal meñ dil shaad kiyā hai barsoñ

vo apnī shoḳhiyoñ se koī ab tak baaz aate haiñ
hamesha kuchh na kuchh dil meñ sharārat aa hī jaatī hai

hisāb-e-dostāñ dar-e-dil taqāzā hai mohabbat kā
masal mash.hūr hai ulfat se ulfat aa hī jaatī hai

vaqt-e-ruḳhsat vo aañsū bahāne lage
dil dukhāne ke manzar suhāne lage