Tags-Dil

jalā paatī hai is se ruuh dil bedār hotā hai
baḌī muddat meñ ham 'ehsān' qadr-e-muflisī samjhe

usuul hai ye dayār-e-dil kā ki aane vaalā gayā na vāpas
har ik sitam muskurā ke sahnā savāl kaisā javāb kaisā

sukūn-e-dil kā maqām pūchho vafā kī manzil ke rāhiyoñ se
kaThin hai har din masāfatoñ kā ye ratjagoñ kā azaab kaisā

vafā kī rāhoñ pe chal paḌe ho to dekho dil ko sambhāle rakhnā
qadam qadam dard-e-nā-rasā.ī yahāñ thakan kā hisāb kaisā

na kisī kī aañkh kā nuur huuñ na kisī ke dil kā qarār huuñ
jo kisī ke kaam na aa sake maiñ vo ek musht-e-ġhubār huuñ

zindagī ab bhī hai 'sabā' dilkash
jo kamī hai tirī nazar kī hai

vaqf-e-faroġh-e-rañg-nazar aur dil ba-zid
pairāhan-e-hayāt darīda kahīñ se hai

TaTolā hai unhoñ ne dil ko aksar
magar pahuñche nahīñ dard-e-nihāñ tak

ab ik qatra bhī dil kī jhiil meñ paanī nahīñ rahtā
magar kyā kījiye tab bhī shikārā chaltā rahtā hai

ḳhauf-e-vīrāñ huā hai ḳhāna-e-dil
aas kaisī ki yaañ to yaas nahīñ

the kūcha-e-jānāñ se pare bhī ka.ī manzar
dil ne kabhī is raah se haT kar nahīñ dekhā

jo Tapke kāsa-e-dil meñ to aalam hī badal jaa.e
vo ik aañsū magar ai chashm-e-tar āsāñ nahīñ hotā

garmī-e-shiddat-e-jazbāt batā detā hai
dil to bhūlī huī har baat batā detā hai

baat aisī ho ki dil ko chiir de
sun ke zālim ko bhī ronā chāhiye

kis tarah 'shamsher' sab se ye kahe
rizq jitnā dil bhī utnā chāhiye

barbād dil kā āḳhirī sarmāya thī umiid
vo bhī to tum ne chhīn liyā mujh ġharīb se

kuchh apne dil ke valvale kuchh zāhidoñ kī zid
sar phoḌne ko varna vahī āstāñ na thā

kuchh jazb dil meñ jaan ke samjhe the un ko paas
ek vahm se yaqīn pe kyā kuchh gumāñ na thā

thā kuchh shikast-e-dil se mirā imtihān-e-sabr
vahāñ apnī nāzukī kā faqat imtihāñ na thā