Tags-Dil

ḳhaak o ḳhuuñ kī na.ī tanzīm meñ shāmil ho jaao
zinda rahnā ho tumheñ bhī to mirā dil ho jaao

duniyā-e-mohabbat meñ ham se har apnā parāyā chhūT gayā
ab kyā hai jis par naaz kareñ ik dil thā vo bhī TuuT gayā

saaqī ke haath se mastī meñ jab koī sāġhar chhūT gayā
mai-ḳhāne meñ ye mahsūs huā har mai-kash kā dil TuuT gayā

jab dil ko sukūñ hī raas na ho phir kis se gila nākāmī kā
har baar kisī kā hāthoñ meñ aayā huā dāman chhūT gayā

sochā thā harīm-e-jānāñ meñ naġhma koī ham bhī chheḌ sakeñ
ummīd ne sāz-e-dil kā magar jo taar bhī chheḌā TuuT gayā

kyā shai thī kisī kī pahlī nazar kuchh is ke alāva yaad nahīñ
ik tiir sā dil meñ jaise lagā paivast huā aur TuuT gayā

is naġhma-tarāz-e-gulshan ne toḌā hai kuchh aisā sāz-e-dil
ik taar kahīñ se TuuT gayā ik taar kahīñ se TuuT gayā

tasma mire mat dil pe divālī kā bajānā
ye laT jo hai chābuk usī kaalī kā bajānā

maarā kiye mutrib ba-chugāñ dil pe thapeḌe
sīkhe isī table pe vo taalī kā bajānā

le mol mire dil kā vo jab sāġhar-e-nāzuk
yaad aave na kaash us ko sifālī kā bajānā

kartā hai 'baqā' naala to kar jhāñj meñ dil se
be-jhāñj hai kyā is daf-e-ḳhālī kā bajānā

koī fariyād tire dil meñ dabī ho jaise
tū ne āñkhoñ se koī baat kahī ho jaise

dil ke evaz dījiye bosa hī ek
ḳhuub nahīñ muft-barī kījiye

dil kī kuchh us kū se na aa.ī ḳhabar
mātam-e-yār-e-safarī kījiye

aaj phir dil meñ vahī ḳhvāhish hai
ya.anī kuchh us se nirālā dekhūñ

mire marne se tum ko fikr ai dildār kaisī hai
tumhārī dil-lagī ko mahfil-e-aġhyār kaisī hai

vasvasoñ se bharā huā thā dil
us kī chaukhaT pe sar ko dharne tak

hālāñki iztirāb hai zāhir sukūn se
kyā kiije us kā lahja dil-āvez ab bhī hai

dard thā dil meñ to jiine kā maza miltā thā
ab to bīmār se bad-tar huuñ maiñ achchhā ho kar

chhup ke rahnā hai jo sab se to ye mushkil kyā hai
tum mire dil meñ raho dil kī tamannā ho kar