Tags-Dil

shab mujh se aañkh maltī rahī dil raqīb se
yahāñ yuuñ sitam rahā ki kisī par ayaañ na thā

hairān huuñ ki dam meñ tire kyūñki aa gayā
maiñ varna apne dil meñ kahāñ se kahāñ na thā

martā huuñ ki kyuuñ na rahā dil meñ tīr-e-yār
ārām-jāñ thā koī āzār-jāñ na thā

ḳhālī dar un kā paayā to dil vahm se rukā
thā pāsbāñ meñ aap jo vahāñ pāsbāñ na thā

kis be-dilī se hijr meñ kī ham ne zindagī
dil thā kahāñ ki yahāñ vo but-e-dilsitāñ na thā

miT jaanā apnā us kā rahā sab ke dil pe naqsh
ek ye bhī thā nishāñ ki mirā kuchh nishāñ na thā

'anvar' ne badle jaan ke lī jins-e-dard-e-dil
aur is pe naaz ye ki ye saudā garāñ na thā

adā-o-nāz aur andāz kā shaidā na ho jaa.e
mirā nāzoñ kā paalā dil kahīñ un kā na ho jaa.e

haqīqat meñ vahī dil mustahiq hai dil dukhāne kā
tirī sham-e-ruḳh-e-raushan kā jo parvāna ho jaa.e

dil un kī yaad se jo bahaltā chalā gayā
ġham aap apnī aag meñ jaltā chalā gayā

qusūr ishq meñ zāhir hai sab hamārā thā
tirī nigāh ne dil ko magar pukārā thā

tabāhiyoñ kā to dil kī gila nahīñ lekin
kisī ġharīb kā ye āḳhirī sahārā thā

saaqī mai sāġhar paimāna mere bas kī baat nahīñ
sirf inhī se dil bahlānā mere bas kī baat nahīñ

vo nazar bahkī huī phirtī hai kyuuñ dil ke qarīb
us kī manzil bhī hai shāyad merī manzil ke qarīb

jo dil-āvez hai us zulf-e-girah-gīr kī bū
aisī aalam meñ kisī kī nahīñ tāsīr kī bū

aah kī siiḳh palaT ātish-e-ġham par jaldī
chalī aatī hai kabāb-e-dil-e-dil-gīr kī bū

shor barpā hai ḳhāna-e-dil meñ
koī dīvār sī girī hai abhī

yahī tamanna-e-dil hai un kī jidhar ko ruḳh ho udhar ko chaliye
huā hai go ishtiyāq behad jamā ke pā-e-nazar ko chaliye

hue haiñ mahrūm-e-dīd-e-be-dil kiyā tajāhul kā us ne bismil
vo dil-rubā ban gayā hai qātil kamar ko kas ke safar ko chaliye