Tags-Dil

guzre vaqtoñ kī vo tahrīr sambhāle hue haiñ
dil ko bahlāne kī tadbīr sambhāle hue haiñ

merā dil hāthoñ meñ lo to kyā tumhārā jā.egā
aur merā hī samarqand o buḳhārā jā.egā

faqīrāna hai dil muqīm us kī rah kā
ġharaz kyā ki muhtāj ho bādshah kā

tire muñh se kuchh bū jo aatī hai mai kī
dimāġh-e-dil us vaqt jaatā hai mahkā

raqīboñ ke dil chaak misl-e-katāñ hoñ
guzār us taraf ho agar apne rah kā

tirī āshnā.ī meñ kyā ham ne paayā
diyā naqd-e-dil aur apnī girah kā

jab yaas huī to aahoñ ne siine se nikalnā chhoḌ diyā
ab ḳhushk-mizāj āñhkeñ bhī huiiñ dil ne bhī machalnā chhoḌ diyā

dushman koī ai yaar mirā aur tirā dost
hogā na zamāne meñ mire dil ke barābar

dil muttasil-e-kūcha-e-mahbūb huā gum
luTnā thā pahuñch kar mujhe manzil ke barābar

dil ba-zid hai ki vahī baat kaho
sab ko jis baat se Dar lagtā hai

dard-e-dil ishq meñ hai kaahe se sekūñ maiñ 'zarīf'
na falālīn hī miltī hai na bānāt mujhe

fasl-e-ḳhizāñ meñ kyā hogā āsār numāyāñ haiñ jis ke
fasl-e-bahār meñ 'barqī' apne dil kī kalī murjhā.e to

na ġham-e-zindagī na dard-e-firāq
dil meñ yūñhī sī hai talab koī

maiñ apnā uqda-e-dil tujh ko sauñp detā huuñ
baḌā mazā ho agar vā na kar sake tū bhī

jis kī ḳhātir ye dil uThā ghar se
us ne phir lā ke rakh diyā ghar meñ

is tarah chhāyā huā hai nigah-o-dil pe tilism
jaise har chiiz haqīqat ho haqīqat ke sivā

harīm-e-dil meñ tujh ko kāvish-e-ġham ham bhī pūchheñge
tasavvur meñ tire aksar sanam-ḳhāne bhī hote haiñ

aa.ī eid va dil meñ nahīñ kuchh havā-e-eid
ai kaash mere paas tū aatā bajā.e eid

dil ye shādī-e-jarāhat se huā bālīda
ki tirā tiir yahāñ tā-lab-e-sūfār rahā

bas-ki dil meñ rahī ik kashmakash yās-o-ummīd
dard jo dil meñ rahā jaan se bezār rahā