Tags-Dil

vo kabhī na ban sakī hai vo kabhī na ban sakegī
kisī dil kī jo imārat tirī be-ruḳhī ne Dhā dī

dil unheñ deñge magar ham deñge in shartoñ ke saath
aazmā kar jāñch kar sun kar samajh kar dekh kar

mujh ko rote dekh kar paas aa.e vo tafhīm ko
kyuuñ na dil se duuñ duā.eñ apne ġhain o miim ko

kis kī aamad aamad apne kalba-e-ahzāñ meñ hai
peshvā.ī ko hai dil pahlū se ruḳhsat māñgtā

dar-ba-dar phirne ne merī qadr khoī ai falak
un ke dil meñ hai jagah miltī jo ḳhalvat māñgtā

mirā dil TuuT jaane par miyāñ hairat bhalā kaisī
agar rasta badal jaa.e sitāre TuuT jaate haiñ

ajiib hai soz-o-sāz-e-ulfat tarab-fazā hai gudāz-e-ulfat
ye dil meñ shole bhaḌak rahe haiñ ki laala o gul mahak rahe haiñ

sāmān-e-dil ko be-sar-o-sāmāniyāñ milīñ
kuchh aur bhī javāb the mere savāl ke

ham pe kyuuñ arz-e-hāl-e-dil pe itaab
elchī ko kahīñ zavāl nahīñ

dil ko hai yaad shauq kā vo hunar
jis se baḌh kar koī kamāl nahīñ

kis ko apnā haal sunā.eñ aap batā.eñ
kaise dil ko ham samjhā.eñ aap batā.eñ

āñkheñ rasta takne par māmūr huiiñ haiñ
dil se kaise yaad miTā.eñ aap batā.eñ

kis se ummīd kareñ koī ilāj-e-dil kī
chārāgar bhī to bahut dard kā maarā niklā

adab kī soch yahī hai tumhārā tiir nahīñ
tumhārā sher dil-o-jān meñ utar jaa.e

tire bayān meñ ḳhushbū hai raushnī dil meñ
'mayañk' sab kī tamannā hai tū bikhar jaa.e

jahāñ bhar ko matā-e-lāla-o-gul baḳhshne vaalo
hamāre dil kā kāñTā bhī kabhī tum ne nikālā hai

charāġhāñ kar ke dil bahlā rahe ho kyā jahāñ vaalo
añdherā laakh raushan ho ujālā phir ujālā hai

maiñ 'mumtāz' gulāboñ jaisā hone ko
us kī ḳhushbū dil meñ botā jaatā thā

dard apnā kuchh aur hai davā hai kuchh aur
TuuTe hue dil kā aasrā hai kuchh aur

jahāñ us ne muḌ ke dekhā vahīñ zindagī rukī thī
ye jo hairateñ haiñ dil kī maiñ jhaTak ke jā rahī huuñ