Tags-Dil

shikasta-dil añdherī shab akelā rāhbar kyuuñ ho
na ho jab ham-safar koī to apnā bhī safar kyuuñ ho

kisī kī yaad meñ aañsū kā rishta is tarah rakkho
ki dil pahlū agar badle to chehra tar-ba-tar kyuuñ ho

mire hamdam mire dilbar zarā itnā batā denā
koī bedard ho to dard dil meñ is qadar kyuuñ ho

pareshāñ raat meñ dil hai charāġh-e-ās kī mānind
shab-e-vāda na aa.e vo to raushan sī sahar kyuuñ ho

mohabbat meñ sunā hai raah dil kī dil se hotī hai
agar yuuñ 'indirā' taḌpe to jānāñ be-ḳhabar kyuuñ ho

dil sulagne kā sabab hijr, na vasl
mas.ala is se sivā hai mujh meñ

hazāroñ ġham haiñ lekin bār-e-ġham dil par na rakkhūñgā
ye nāzuk ābgīna us pe maiñ patthar na rakkhūñgā

dil-e-tabāh bhī hai ālam-e-ḳharāb bhī hai
nigāh-e-dost yahī vaqt-e-inqalāb bhī hai

majāz Thiik hai dil ke taḌapte rahne kā
hamārī mauj meñ tanhā.iyāñ ulajh jaa.eñ

suneñ ye dil se mire dard kī azaan agar
'nadīm' aap kī shahnā.iyāñ ulajh jaa.eñ

har aan koī yaad chamaktī rahe dil meñ
har lamha koī shor thaa, tūfān thā kal shab

chhuḌāyā thā nipaT mushkil se phir aah
dil aTkā us kī zulf-e-pur-shikan meñ

marā jaatā hai jis ġhairat meñ dariyā
girā kis kā hai dil chāh-e-zaqan meñ

chaar chup chīzeñ haiñ bahr-o-bar falak aur kohsār
dil dahal jaatā hai in ḳhālī jag.hoñ ke sāmne

zamāna thā vo dil kī zindagī kā
tirī furqat ke din lā.ūñ kahāñ se

tanhā.ī ke alaao se raushan huā makāñ
'sarvat' jo dil kā dard thā naġhmoñ meñ Dhal gayā

kaho to ye kaho dil ko ḳhush aa rahī hai havā
mashām-e-jāñ se guzartī sabā kā naam na lo

ġham-e-hayāt se jab vāsta paḌā hogā
mujhe bhī aap ne dil se bhulā diyā hogā

kisī kā aaj sahārā liyā to hai dil ne
magar vo dard bahut sabr-āzmā hogā

har mauj-e-havādis rakhtī hai siine meñ bhañvar kuchh pinhāñ bhī
rahte haiñ muqābil hī akasr ishkāl bhī dil meñ īmāñ bhī