Tags-Dil

Dartā hai dil-e-kam-fahm yahāñ kyā jāniye kyā ho bastī kā
rahte haiñ ab ahl-e-ulfat ke ham-rāh ye nafrat-sāzāñ bhī

phir us kī yaad ne dastak dil-e-hazīñ par dī
phir āñsuoñ meñ nihāñ us ke ḳhad-o-ḳhāl hue

jafā-o-jaur se un ke to ho gayā aajiz
butoñ ke ishq kā is dil meñ hauslā bhī hai

ġham sabhī dil se ruḳhsat hue
dard be-intihā rah gayā

dil ye kahtā hai ki ik ālam-e-muztar dekhūñ
bārish-e-sañg meñ logoñ ko khule sar dekhūñ

sukūn-e-dil meñ vo ban ke jab intishār utrā to maiñ ne dekhā
na dekhtā par lahū meñ vo baar baar utrā to maiñ ne dekhā

na āñsuoñ hī meñ vo chamak thī na dil kī dhaḌkan meñ vo kasak thī
sahar ke hote hī nashsha-e-hijr-e-yār utrā to maiñ ne dekhā

ḳhayāl-e-jānāñ tirī badaulat 'farāz' hai kitnā ḳhūb-sūrat
dimāġh-o-dil se haqīqatoñ kā ġhubār utrā to maiñ ne dekhā

jalte rahnā kaam hai dil kā bujh jaane se hāsil kyā
apnī aag ke īñdhan haiñ ham īñdhan kā mustaqbil kyā

is dil ko kisī dast-e-adā-sanj meñ rakhnā
mumkin hai ye mīzān-e-kam-o-besh jalā de

sū-e-falak na jānib-e-mahtāb dekhnā
is shahr-e-dil-navāz ke ādāb dekhnā

tujh ko kahāñ chhupā.eñ ki dil par giraft ho
āñkhoñ ko kyā kareñ ki vahī ḳhvāb dekhnā

ham le to aa.e haiñ tujhe ik be-dilī ke saath
is anjuman meñ ai dil-e-betāb dekhnā

had chāhiye 'farāz' vafā meñ bhī aur tumheñ
ġham dekhnā na dil kī tab-o-tāb dekhnā

jab banām-e-dil gavāhī sar kī māñgī jā.egī
ḳhuun meñ Duubā huā parcham hamārā dekhnā

tañg hai vus.at-e-sahrā-e-junūñ
valvale dil ke sivā haiñ yaaro

jalne vāloñ ke jigar haiñ dil haiñ
khilne vāloñ kī adā haiñ yaaro

bāhama garmī-e-dil nabz-e-mohabbat ik din
ho ke rah jā.egī sākin mujhe ma.alūm na thā

kyā log haiñ ki dil kī girah kholte nahīñ
āñkhoñ se dekhte haiñ magar bolte nahīñ

apne meñ jo ab bhūle se kabhī rāhat kā taqāzā paatā hai
hālāt pe mere kar ke nazar dil mujh se bahut sharmātā hai