Tags-Dil

aañkh ke bādal se kahtā hai ki duniyā par baras
dil lab o ruḳhsār kī sho.ala-fishānī dekh kar

dil meñ jo kuchh hai zabāñ kā zā.iqa bantā nahīñ
lafz chehra Dhāñp lete haiñ ma.ānī dekh kar

dil na jaane kaun sī gahrā.iyoñ meñ kho gayā
bahr kī maujoñ kī tahrīroñ ko faanī dekh kar

der se 'shahzād' kunj-e-āfiyat meñ the asiir
ḳhush huā hai dil balā-e-nā-gahānī dekh kar

yuuñ bhī dil ahbāb ke ham ne gaahe gaahe rakkhe the
apne zaḳhm-e-nazar par ḳhush-fahmī ke phāhe rakkhe the

vo tire nasīb kī bārisheñ kisī aur chhat pe baras ga.iiñ
dil-e-be-ḳhabar mirī baat sun use bhuul jā use bhuul jā

jalve kā tere vo aalam hai ki gar kiije ḳhayāl
dīda-e-dil ko ziyārat-gāh-e-hairānī kare

dil na detā jo maiñ tujhe zālim
kyuuñ mirī jaan kā zarar hotā

tumhārā naam kisī ajnabī ke lab par thā
zarā sī baat thī dil ko magar lagī hai bahut

kahe hai murġh-e-dil ai kaash meñ zāġh-e-kamāñ hotā
ki tā shāḳh-e-kamāñ par us kī merā āshiyāñ hotā

na hotī dil meñ kāvish gar kisī kī nok-e-mizhgāñ kī
to kyuuñ haq meñ mire har mū-e-tan misl-e-sināñ hotā

jo rotā khol kar dil tañgnā-e-dahr meñ āshiq
to jū-e-kahkashāñ meñ bhī falak par ḳhuuñ ravāñ hotā

rukāvaT dil kī us kāfir ke vaqt-e-zab.h zāhir hai
ki ḳhanjar merī gardan par hai ruk ruk kar ravāñ hotā

ga.e sab mard rah ga.e rahzan ab ulfat se kāmil huuñ
ai dil vaalo maiñ in dil vāliyoñ se saḳht be-dil huuñ

ham ahl-e-ġham ke paas dil-e-ḳhūñ-chakāñ to hai
tum ko sunā.eñ haal vo tarz-e-bayāñ nahīñ

kis shauq se ye bazm meñ kahtā hai dil mirā
mutrib ke saath ban ke yahāñ chañg aa gayā

jī chāhtā hai pheñk duuñ pahlū se maiñ use
betābiyoñ se dil kī to maiñ tañg aa gayā

manzūr shīsha-e-dil-e-āshiq hai toḌnā
jo haath meñ liye hue vo sañg aa gayā

pāmāl tum ne gar dil-e-āshiq nahīñ kiyā
talvoñ meñ kyuuñ na ḳhuun kā phir rañg aa gayā

ḳhaak meñ mat milāo dil ko mire
jī meñ samho Tuk apnā ghar dekho