Tags-Dil

ḳhūn-e-dil ho gayā shāyad dam-e-girya jo aaj
evaz-e-ashk lahū āñkhoñ se paiham aayā

dil meñ hai jalva-kunāñ chāh-e-zanaḳhdāñ kā ḳhayāl
ain ka.abe meñ nazar chashma-e-zamzam aayā

dhaḌkaneñ mohabbat kī dil-nashīn ḳhāmoshī
marhabā ai hañgāmo āfrīn ḳhāmoshī

jo baat kahī thī vo bahut saaf kahī thī
dil meñ jo nahīñ thā vo zabāñ par bhī nahīñ thā

saaz o sadā ke shor meñ gum ho gayā 'jamīl'
kis kis ke dil kā dard thā shahnā.iyoñ meñ bhī

naala kar kar ke dil huā ḳhāmosh
rah gayā hai pa phoḌā ris ris ke

siina saafī suuñ misl-e-darpan kar
sham-e-fānūs dil kī raushan kar

yaad kar ke ḳhayāl gul-rū kā
dasht-e-dil meñ bahār-e-gulshan kar

garche haa.el hai parda-e-ġhaflat
dīda-e-dil kuuñ khol rauzan kar

kyā kahūñ dil mā.il-e-zulf-e-dotā kyūñkar huā
ye bhalā chañgā giraftār-e-balā kyūñkar huā

ḳhāksārī kyā ajab khove agar dil kā ġhubār
ḳhaak se dekho ki ā.īna safā kyūñkar huā

dil pareshāñ hai kyā kiyā jaa.e
aql hairāñ hai kyā kiyā jaa.e

bāvajūd un kī dil-navāzī ke
dil gurezāñ hai kyā kiyā jaa.e

sharm ai husn-e-jafā-pesha ki kūche meñ tire
aaj tak ham dil-e-nākām liye phirte haiñ

detā huuñ dil jise vo kahīñ bevafā na ho
ye ishq mere vāste shāyad qazā na ho

rāhat se mujh ko niiñd to aa.ī mazār meñ
pahlū ko mere chiir ke dil chal basā na ho

parde se dil ke baat jo kartā hai mujhe se ab
aatā hai ye ḳhayāl kahīñ ḳhud ḳhudā na ho

rañgat hai zard ruḳh kī to ḳhushkī laboñ par hai
āsār ishq ke haiñ kahīñ dil lagā na ho

mirī shā.erī meñ na raqs-e-jām na mai kī rañg-fishāniyāñ
vahī dukh-bharoñ kī hikāyateñ vahī dil-jaloñ kī kahāniyāñ

pūchhte kyā ho sabab dafn-e-dil-e-zār ke ba.ad
maiñ musībat-zada ab bhī na hirāsāñ hotā