Tags-Dil

uljhan meñ yakāyak hotī hai dam ruktā hai dil bhar aatā hai
jab koī tasallī detā hai kuchh aur bhī jī ghabrātā hai

dil meñ rakh gard-e-kudūrat na bahut ai kam-bīñ
kahīñ rah jaa.e na ye aa.ina andhā ho kar

dil se kahtā hai ġham-e-ulfat-e-jānāñ dam-e-marg
tum to duniyā se chale maiñ rahūñ kis kā ho kar

chhoḌnā ai ġham-e-ulfat na kabhī saath us kā
kahīñ ghabrā.e mirā dil na akelā ho kar

ik saañs kī maddham lau to yahī ik pal to yahī ik chhin to yahī
taj do ki barat lo dil to yahī chun lo ki gañvā do din to yahī

dil kī betābī nahīñ Thaharne detī hai mujhe
din kahīñ raat kahīñ sub.h kahīñ shaam kahīñ

tujhe sañg-dil ye pata hai kyā ki dukhe diloñ kī sadā hai kyaa?
kabhī choT tū ne bhī khaa.ī hai kabhī terā dil bhī dukhā hai kyaa?

dil kā us kunj-e-lab se de hai nishāñ
baat lagtī to hai Thikāne kī

dil-e-sad-chāk bāb-e-zulf hai lek
baav sī bañdh rahī hai shāne kī

tire nisār tire lutf-e-ḳhās ke qurbāñ
ki tere haath ne rakkhā hai dil kushāda mirā

tū ne kaise moḌ pe chhoḌ diyā mujh ko
dil kī baat chhupā.ūñ to rusvā.ī hai

pahuñch ke manzil-e-maqsad pe ye bhī socheñge
ki shab-ravī meñ dil-e-rāhzan pe kyā guzrī

zulf kā kyā us kī chaTkā lag gayā
zor-e-dil ke haath laTkā lag gayā

chashm-o-abrū par nahīñ mauqūf kuchh
jān-e-man dil jis kā aTkā lag gayā

nukta-chīnī par mirī tum itne bargashta na ho
kah diyā jo kuchh bhī dil meñ thā magar sāzish na kī

bachāo dāman-e-dil aise ham-nashīnoñ se
milā ke haath jo Daste haiñ āstīnoñ se

ab apne zaḳhm-e-jabīñ ko chhupā bhī le ai dil
Tapak rahā hai pasīna ka.ī jabīnoñ se

hai ye ajab tarah kī baat kyūñki na maliye apne haath
dil pe hamāre vo to raat chaukī sī ik biThā ga.e

garche na the kuchh itne garm lek dikhā adā-e-sharm
dil ko lage jo narm narm saḳht qalaq lagā ga.e

ḳhirad kī rah jo chalā maiñ to dil ne mujh se kahā
azīz-e-man ''ba-salāmat-ravī o bāz-ā.ī''