Tags-Dil

haa.e vo chashm ki dekhe tujhe sargarm-e-adā
vaa.e vo dil ki tirā mahram-e-asrār rahā

maiñ rahā bhī to rahā ḳhaar kī sūrat ki sadā
terī nazroñ meñ subuk-dil pe tire yaar rahā

ātish-e-ishq meñ jaltā rahā bujhtā rahā dil
rañj-e-betāb se dariyā kabhī sahrā rahā dil

ik safar haañ vo safar paañv kī zanjīr banā
ba.ad ai yaar tirī yaad meñ jaltā rahā dil

mahfil-ārā.ī kī ḳhvāhish thī so dil us ke sabab
mahfil-ārā rahā vīrāñ rahā tanhā rahā dil

mauja-e-ḳhūñ kisī siine meñ rukā thā kal raat
dard uThtā rahā chubhtā rahā dukhtā rahā dil

kaash dekho kabhī TuuTe hue ā.īnoñ ko
dil shikasta ho to phir apnā parāyā kyā hai

dil-e-pazh-murda āshiq ko tum apne sāmne rakhnā
tamāshā raqs-e-bismil kā dikhā.egā tapāñ ho kar

hamāre is dil-e-vīrāñ-shuda meñ ai but-e-rā.anā
tumhārī aarzū ghabrā rahī hai mehmāñ ho kar

mire dil kī imārat go shikasta haal hai lekin
makān-e-ḳhās ho jā.egā us kā lā-makāñ ho kar

anīs-o-monis-o-hamdam umīdeñ ho nahīñ saktīñ
kahāñ jaatā hai ai dil yūsuf-e-be-kārvāñ ho kar

nahīñ vāqif hai dil īsār se jab
'atā' iz.hār-e-ulfat kis liye hai

is shahr ke logoñ pe ḳhatm sahī ḳhush-tal.atī-o-gul-pairahnī
mire dil kī to pyaas kabhī na bujhī mire jī kī to baat kabhī na banī

ye to sach hai ki ham tujhe pā na sake tirī yaad bhī jī se bhulā na sake
tirā daaġh hai dil meñ charāġh-e-sifat tire naam kī zeb-e-gulū-kafnī

jo naqsh ki arzhañg-e-zamāna meñ nahīñ hai
us dil ke dhaḌakte hue albam ko milegā

ye dil ki hai Thukrāyā huā saare jahāñ kā
ghar ek yahī hai jo tire ġham ko milegā

patthar hai to Thokar meñ rahe pā-e-talab kī
dil hai to usī turra-e-pur-ḳham ko milegā

terī ḳhushbū pyaar ke lahje meñ bole to sahī
dil kī har dhaḌkan ko ik chehra nayā mil jā.egā

jahāñ bhī aa.eñ nazar chaak chaak dāman-e-dil
vo taar pairahan-e-ishq se rafū kiye jaa.eñ

is shahr-e-dil-āzār meñ ab dekhnā ye hai
rahtī hai yūñhī yūrish-e-āzār kahāñ tak