Tags-Dil

dil kā ahvāl na pūchho ki bahut roz hue
is ḳharābe kī taraf maiñ nahīñ aatā jaatā

dekhnā hai faisla mauj-e-havādis kā 'mubīn'
kashtī-e-dil le ke bahr-e-be-karāñ tak aa ga.e

kyā kah diyā ye aap ne chupke se kaan meñ
dil kā sambhālnā mujhe dushvār ho gayā

dil to rotā rahe or aañkh se aañsū na bahe
ishq kī aisī rivāyāt ne dil toḌ diyā

visāl terā ḳhayāl terā jo ho to kyūñkar na ho to kyūñkar
na tujh pe kuchh iḳhtiyār dil kā na dil pe kuchh iḳhtiyār merā

nigāh-e-dil-doz kī duhā.ī jamāl-e-jāñ-soz kī duhā.ī
rah-e-mohabbat meñ ġham ne luuTā shakeb o sabr o qarār merā

dil apnī rā.egānī se zinda hai ab talak
ābād ye jahāñ bhī ġhubār-e-jahāñ se hai

dil bhī yahī hai vaqt bhī manzar bhī niiñd bhī
jaanā kahāñ hai ḳhvāb meñ jaanā kahāñ se hai

mire lab pe abhī vo savāl hai kyūñ? mire dil meñ abhī vo malāl hai kyūñ?
mire chāroñ-jānib jaal hai kyūñ? mire ḳhvāb kā ab anjām likho

na dil meñ yaad na āñkhoñ meñ koī ḳhvāb-e-sahar
bikharte jism ke malbe meñ DhūñDhtā kyā hai

nīlam sī marg nain nigah dil ke ār-pār
jīvan ke ird-gird kiran kunD nuur kā

ātish kā sher paḌhtā huuñ aksar ba-hasb-e-hāl
dil said hai vo bahr-e-suḳhan ke nahañg kā

jab tak ilāhī jism meñ jān-e-hazīñ rahe
nazreñ mirī javān raheñ dil hasīñ rahe

tā-chand josh-e-ishq meñ dil kī hifāzateñ
merī balā se ab vo junūnī kahīñ rahe

betābi-e-dil kare hai rusvā
kyā jā.iye us kī anjuman meñ

TūTtī hai dil-e-ġham-ghīñ pe qayāmat kyā kyā
aa ke palkoñ pe jo rukte haiñ hamāre aañsū

apne ġhazāl-e-dil kā nahīñ mil rahā surāġh
sahrā se shahr tak to patā kar chuke haiñ ham

ab tesha-e-nazar se ye dil TūTtā nahīñ
is ā.īne ko sañg-numā kar chuke haiñ ham

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

kyā fikr-e-āb-o-nān ki ġham kah rahā hai ab
maujūd huuñ ziyāfat-e-dil aur jigar ko maiñ