Tags-Dil

is TuuTe phūTe dil ko na chheḌo pare haTo
kyā kar rahe ho aag hai is meñ dabī huī

sahar jab huī to bahut ḳhāmushī thī zamīñ shabnamī thī
kabhī ḳhāk-e-dil meñ thā koī sharāra bahut yaad aayā

tire vasl kī aas badalte hue tire hijr kī aag meñ jalte hue
kab dil masrūf nahīñ rahtā kab jaañ mashġhūl nahīñ hotī

banā ke ā.īna-e-tasavvur jahāñ dil-e-dāġh-dār dekhā
firāq meñ lutf-e-vasl paayā ḳhizāñ meñ rañg-e-bahār dekhā

dil-o-jigar ko huā gavārā kahāñ surūr-e-sharāb-e-hastī
milā kabhī iztirār meñ ye kabhī use be-qarār dekhā

is kalīd-e-ism-e-nā-ma.alūm se kaise khule
dil kā darvāza ki andar se muqaffal ho gayā

jise apnā samajhte the vahī dil ho gayā un kā
koī duniyā meñ ab kis kā bharosā kar ke din kaaTe

na.ī duniyā mujassam dilkashī ma.alūm hotī hai
magar is husn meñ dil kī kamī ma.alūm hotī hai

ye dil kī tishnagī hai yā nazar kī pyaas hai saaqī
har ik botal jo ḳhālī hai bharī ma.alūm hotī hai

dam-e-āḳhir mudāva-e-dil-e-bīmār kyā ma.anī
mujhe chhoḌo ki mujh ko niiñd sī ma.alūm hotī hai

diyā ḳhāmosh hai lekin kisī kā dil to jaltā hai
chale aao jahāñ tak raushnī ma.alūm hotī hai

ik daur thā likhā thā mire dil pe terā naam
haiñ aaj terī bazm meñ ik ajnabī se ham

ba-rañg-e-kaif-o-sarshārī hadīs-e-dil kaho hamdam!
hama-tan gosh hai saa.at

hai jaane kyā pas-e-dīvār ā.īna jis par
yaqīn kar ke bhī dil vaqf-e-sad-gumāñ huā hai

mohabbat meñ dil-saḳhtiyāñ aur bhī haiñ
uThāne ko sañg-e-girāñ aur bhī haiñ

mire dil ko le kar na pāmāl kījiye
ki is jins ke qadr-dāñ aur bhī haiñ

abhī to faqat hijr meñ dil miTā hai
magar ḳhāna-vīrāniyāñ aur bhī haiñ

tere dīvāne ko dekhā hai hamesha sar-ba-kaf
tere dīvāne kā dil hotā hai sar hotā nahīñ

abhī nuqūsh miTā.e haiñ dil ke patthar se
mirī jabīn pe phir zaḳhm kā nishāñ hai nayā

dil ko hotī hai yaqīnan taskīñ
pañjgāna jo azaañ hotī hai