Tags-Dil

na kahiye go ki hāl-e-dil magar rañg-āshnā haiñ ham
ye zāhir aap kī kyā ḳhāmushī se ho nahīñ saktā

nahīñ gar tujh pe qaabū dil hai par kuchh zor ho apnā
karūñ kyā ye bhī to nā-tāqatī se ho nahīñ saktā

maiñ gungunātī faqat tirā naam us kī lai par
magar ye kam-baḳht dil na dhaḌkā mire mutābiq

ḳhair ho yārab ke husn-o-ishq kā āġhāz hai
is taraf dil hai udhar susarī nigāh-e-nāz hai

toḌ kar badnām tum dil ko mire ho jāoge
is meñ poshīda mohabbat kā tumhārī raaz hai

shab ko mirī chashm-e-hasrat kā sab dard-e-dil un se kah jaanā
dāñtoñ meñ dabā kar hoñT apnā kuchh soch ke us kā rah jaanā

dil gayā be-qarāriyāñ na ga.iiñ
ishq kī ḳhām-kāriyāñ na ga.iiñ

ai mehrbāñ tabīb shitābī ilaaj kar
tere birah ke dard siiñ hai dil meñ suul aaj

marham tire visāl kā lāzim hai ai sanam
dil meñ lagī hai hijr kī barchhī kī huul aaj

vaz.a bhī koī shai hai āḳhir dil ko 'asar' samjhānā thā
dar se kisī ke ik baar uTh kar kaash dobāra na jaate tum

qarār dil ko milā tere muskurāne se
banī thī jaañ pe mirī tere ruuTh jaane se

tasallī jhūTī na de dil meñ kyā hai ye kah de
ye ḳhvāb lamhe churā vaqt ke ḳhazāne se

kis shor-e-jahannum meñ fazā Duub chalī hai
dil dhaḌke hai siine meñ navā Duub chalī hai

mohabbat ḳhalvat-e-dil meñ utar jaatī hai chupke se
ye aisā hai maraz yaaro kabhī kah kar nahīñ aatā

jo us ke dil meñ aatā hai vahī kahtā hai mahfil meñ
kabhī likh kar nahīñ laatā kabhī paḌh kar nahīñ aatā

dil meñ tasvīr-e-yār le ke chale
ham qafas meñ bahār le ke chale

sāmne us ke ek bhī na chalī
dil meñ bāteñ hazār le ke chale

ruup naġhmoñ kā de ke ham 'naushād'
apne dil kī pukār le ke chale

aate hī fasl-e-dil-pazīr bole qafas meñ ham-safīr
jis meñ hue the ham asiir lo vahī phir havā chalī

laao pyāla-e-sharāb ghir ke phir aayā hai sahāb
ab nahīñ mere dil ko taab bād-e-bahār phir chalī