Tags-Dil

jo dil ko pahle mayassar thā kyā huā us kā
jo is sukūn se behtar thā kyā huā us kā

ummīd TuuTī huī hai merī jo dil mirā thā vo mar chukā hai
jo zindagānī ko talḳh kar de vo vaqt mujh par guzar chukā hai

ye siina jis meñ ye daaġh meñ ab masarratoñ kā kabhī thā maḳhzan
vo dil jo armān se bharā thā ḳhushī se us meñ Thahar chukā hai

dil bhī ik zid pe aḌā hai kisī bachche kī tarah
yā to sab kuchh hī ise chāhiye yā kuchh bhī nahīñ

dil ye kahtā hai chāñd niklegā
tīrgī kal se kuchh ziyāda hai

jitne ġham hoñ mujhe atā kījiye
dāman-e-dil bahut kushāda hai

sitāroñ ke payām aa.e bahāroñ ke salām aa.e
hazāroñ nāma-hā-e-shauq ahl-e-dil ke kaam aa.e

na jaane kitnī nazreñ us dil-e-vahshī pe paḌtī haiñ
har ik ko fikr hai us kī ye shāhīñ zer-e-dām aa.e

isī ummīd meñ betābi-e-jāñ baḌhtī jaatī hai
sukūn-e-dil jahāñ mumkin ho shāyad vo maqām aa.e

koī shāyad hamāre dāġh-e-dil kī tarah raushan ho
hazāroñ āftāb is shauq meñ bālā-e-bām aa.e

bah gayā aañkh se merā kājal to phir
ranj-o-ġham dil ke sab hī chhupāne lage

dil-e-sad-chāk banāyā to balā se lekin
zulf-e-mushkīñ kā tire shāna banāyā hotā

kal tak tum ko jaan se pyārā dil kā sahārā lagtā thā
ab 'rahmānī' kyā lagtā hai sāhab jī kuchh to bolo

dil ke saude meñ koī suud nahīñ
jins hai ḳhām-e-ḳharīdār ġhalat

le ke dil chain se jā baiThe vo ghar meñ chhup ke
ab to āñkheñ bhī tarasne lagīñ nazzāroñ ko

ḳhvāb kī mānind guzrīñ kaisī kaisī sūrateñ
dil ke vīrāne meñ koī aks bhī Thahrā na thā

kaam hai un kā jafā vo bā-vafā kahne ko haiñ
dete haiñ jo dard-e-dil ahal-e-shifā kahne ko haiñ

fāsloñ se kam na hoñge ruuh ke rishte kabhī
vo hamesha dil meñ haiñ dil se judā kahne ko haiñ

sar-e-gor-e-ġharībāñ kuchh na pūchho hāl-e-dil 'sāqib'
zamāna jin ko bhūlā hai ham un ko yaad karte haiñ

mujhe nikāl diyā us ne dil kī bastī se
ki baat dil kī sar-e-bazm kyuuñ kahī maiñ ne