Tags-Dil

TuuTā to aziiz aur huā ahl-e-vafā ko
dil bhī kahīñ us shoḳh kā paimāñ to nahīñ hai

vahī ik ḳharābī-e-be-karāñ jo tire jahāñ kā nasīb hai
isī rust-o-ḳhez se aaj tak mire dil meñ be-ḳhatarī rahī

mirī zindagī kī urūs-e-nau tujhe is kī koī ḳhabar bhī hai
vo thī kis kī surḳhī-e-ḳhūn-e-dil tirī maañg meñ jo bharī rahī

vahī aag apnā nasīb thī ki tamām umr jalā kiye
jo lagā.ī thī kabhī ishq ne vahī aag dil meñ bharī rahī

na asar fusūñ koī kar sakā na vo mere dil meñ utar sakā
koī aks hī na ubhar sakā rahā shīsha aur na parī rahī

hazāroñ mehrbāñ is rāste par saath ā.eñge
miyāñ ye dil hai ye jeb o garebāñ dekhte rahnā

ye aanā koī aanā hai ki bas rasman chale aa.e
ye milnā ḳhaak milnā hai ki dil se dil nahīñ miltā

jo mujhe roz ye kahtā hai 'tabassum' hai mirī
vo mirā dāman-e-dil taar nahīñ kar saktā

taskīn-e-dil ko ashk-e-alam kyā bahā.ūñ maiñ
jo aag ḳhud lagā.ī hai kyūñ-kar bujhā.ūñ maiñ

dil kī jo baat thī vo rahī dil meñ ai 'surūr'
khole haiñ garche shauq ke daftar kabhī kabhī

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

shahr se ek taraf duur bahut
aaj royā dil-e-mahjūr bahut

duur hai sub.h shab-e-ġham ai dil
hai sitāroñ maiñ abhī nuur bahut

kis ko manzūr thā rusvā honā
dil ke hāthoñ hue majbūr bahut

kise ma.alūm thā yuuñ dil kī himmat saath chhoḌegī
fanā ḳhud apne teshe se bil-āḳhir kohkan hogā

maiñ laakh ise taaza rakhūñ dil ke lahū se
lekin tirī tasvīr ḳhayālī hī rahegī

dil-e-harīs se ta.amīr kī havas na ga.ī
vo sat.h-e-āb pe kāġhaz kā ghar banāne lage

na jaane kis kā hameñ intizār rahne lagā
ki tāq-e-dil pe diyā roz ham jalāne lage

us vaqt rañg lā.egā afsāna-e-vafā
dil kā lahū jab aa.egā ashk-e-ravāñ ke saath

qaa.em rahe kyā imārat-e-dil
buniyād meñ to paḌā hai Dhahnā