Tags-Dil

dil ne bhī diyā na saath 'jur.at'
kyā dosh kisī ko diije lahnā

din bhar dhuup kī tarah se ham chhā.e rahte haiñ duniyā par
raat huī to simaT ke aa jaate haiñ dil kī guphāoñ meñ

khaḌe hue jo sāhil par to dil meñ palkeñ bhiig ga.iiñ
shāyad aañsū chhupe hue hoñ sub.h kī narm havāoñ meñ

minnat thī bosa-e-lab-e-shīrīñ ki dil mirā
mujh ko sū-e-mazār-e-shakar ganj le chalā

dil ko ham kab tak bachā.e rakhte har aaseb se
Thes āḳhir lag ga.ī shīshe meñ baal aa hī gayā

saath mere dil bhī miTTī ho chukā
tere sadqe ḳhaak kyuuñ chhānī mirī

itnī muddat meñ bichhaḌ kar dil milā
der tak sūrat na pahchānī mirī

ab na koī ḳhauf dil meñ aur na āñkhoñ meñ umiid
tū ne marg-e-nā-gahāñ bīmār achchhā kar diyā

bazm meñ ahl-e-suḳhan taqtī.a farmāte rahe
aur ham ne apne dil kā bojh halkā kar diyā

jaane kis ke muntazir baiThe haiñ jhāḌū pher kar
dil se har ḳhvāhish ko 'ādil' ham ne chaltā kar diyā

ehsān jo ajal se kaam terā bigḌe
is vaqt na ho dil meñ jahāñ ke jhagḌe

ai mohabbat dāġh-e-dil murjhā na jaa.eñ
itr in phūloñ kā be-tāḳhīr khīñch

dil na us but kā dukhe kahtā hai ishq
khīñch jo naala vo be-tāsīr khīñch

dil idhar betāb hai tarkash udhar
khīñchtā huuñ aah maiñ tū tiir khīñch

siina sad-chāk karo dil se na aġhrāz karo
qaid rahne do abhī dasht meñ zindānī ko

zauq-e-ulfat ab bhī hai rāhat kā armāñ ab bhī hai
dil pareshāñ ruuh tarsāñ chashm-e-giryāñ ab bhī hai

kab sambhāle se sambhaltā hai dil-e-pur-iztirāb
āh-e-sozāñ lab par ab bhī siina baryāñ ab bhī hai

shauq o zauq ab bhī hai baaqī murda-dil ham haiñ to haiñ
apne dil ko hasrat-e-sair-e-gulistāñ ab bhī hai

ittiqā o zohd se dil-bastagī baaqī nahīñ
dāvā-e-islām jaisā pahle thā haañ ab bhī hai

kho diye ayyām-e-pīrī ne tere hosh-o-havās
ai bashīr-e-be-navā kuchh dil meñ armāñ ab bhī hai