Tags-Dil

nairañg-e-mohabbat hai har raaz mire dil kā
chup huuñ to haqīqat hai kah duuñ to fasānā hai

agar ujāloñ kī hai tamannā na bujhne paa.e charāġh dil kā
ki dil meñ jab raushnī na hogī to har taraf tīrgī milegī

na jaane kitne diloñ meñ shigāf kar Daale
agar nikal ga.ī 'aḳhtar' jo dil se aah mirī

ai charāġh-e-nigah-e-yār maiñ jaañ se guzrā
ab mujhe kyā jo pa.e dil-zadagāñ to chamkā

dil meñ phir bujhne lagā zabt kā taarā koī
phir mirī nok-e-mizha par koī aañsū chamkā

ham parvarish-e-lauh-o-qalam karte raheñge
jo dil pe guzartī hai raqam karte raheñge

husn-e-azal kā jalva hamārī nazar meñ hai
jo tuur par huā thā dil-e-dīda-var meñ hai

dair o haram meñ kis liye āvāra-gardiyāñ
jis kī tujhe talāsh hai vo dil ke ghar meñ hai

kyā shauq-e-dīd tujh pe to ġhālib hai lutf-e-dīd
jo baat tere dil meñ hai apnī nazar meñ hai

nikle na phañs ke gesu-e-pur-pech-o-ḳham se dil
sāhil pe ḳhaak pahuñche jo kashtī bhañvar meñ hai

ye asar ham par huā is daur kā
bhāvnā dil kī mavālī ho ga.ī

tujh se bhāge sukūn se bhāge
sar-garāñ haiñ ki dil-girafta nahīñ

be-nishānī-e-mohabbat ko nishāñ se kyā ġharaz
ai yaqīn-e-dil tujhe vahm-o-gumāñ se kyā ġharaz

jauhar-e-zātī haiñ us kī teziyāñ ai sañg-dil
teġh-e-abrū ko tirī sañg-e-fasāñ se kyā ġharz

nazar meñ rañgīn shāmiyāne mohabbatoñ ke na.e fasāne
ye kaun hai dil ke vasvasoñ meñ jo mujh ko bechain kar rahā hai

tamām alfāz miT chuke haiñ bas ek saf.ha abhī hai baaqī
use musalsal maiñ paḌh rahī huuñ jo naqsh dil par ubhar rahā hai

āñkhoñ ke ābgīne bahe phuuT phuuT kar
yuuñ dil ne tujh se pyaar kiyā TuuT TuuT kar

jo dī thī husn meñ ye dil-farebī
mujhe hosh-o-havās itne diye kyuuñ

qissa-e-dil meñ vafā kī baat par
us ne yuuñ dekhā ki ham chup ho ga.e

vasl kī shab jagmagā.egī dil aflāk par
chāñd aur sūraj tumhāre naqsh-e-pā ho jā.eñge