Tags-Dil

hai sazā-vār agar aise ko diije dil-o-dīñ
ham bhī dekhā use kal duur se 'bedār' ke saath

pyaar se sab dushmanoñ ke dil meñ ghar us ne kiyā
dostī kā ma.arka is tarah sar us ne kiyā

na jaane kyā milā kyā hasrateñ baaqī rahīñ dil meñ
abhī duniyā se kyā kuchh aur lenā hai

kis tarah se hai batā hāl-e-dil ġhamīñ kuchh to
kyuuñ mai-e-ġham se hai is tarah se sarshār ki tū

vahāñ haiñ jā ke jatātā hai ye musībat apnī
aaj tak kul haiñ dil ko tere zinhār ki tū

ye bhī to ik dalīl hai us ke vajūd kī
jab tak na māniye use dil māntā nahīñ

ye bhī shāyad tirā andāz-e-dil-ārā.ī hai
ham ne har saañs pe marne kī sazā paa.ī hai

dil ke ābād ḳharābe meñ na shab hai na sahar
chāñdnī le ke tirī yaad kahāñ aa.ī hai

pech bhāyā mujh ko tujh dastār kā
band hai dil turra-e-zartār kā

jī phañsā hai jā ke us zulfoñ ke biich
dil shahīd us nargis-e-bīmār kā

tujh ko hai ham se judā.ī aarzū
mere dil meñ shauq hai dīdār kā

kyuuñ na bāñdhe dil ko 'fā.ez' zulf suuñ
shauq hai kāfir ke tiiñ zunnār kā

kahīñ bujhtī hai dil kī pyaas ik do ghūñT se 'anzar'
maiñ sūraj huuñ mire hisse meñ dariyā likh diyā jaa.e

dil kā dar kab band huā hai koī aa.e koī jaa.e
jo aa.e aur kabhī na jaa.e vo mehmān bulāo kyuuñ

pyaar kī shiddat dil kī hiddat 'bāqar' us ko raas nahīñ
garm havā ke jhoñkoñ se us phuul ko tum kumhlāo kyuuñ

dil yuuñ kaTā huā hai kisī kī judā.ī meñ
jaise kisī zamīn se dariyā guzar gayā

dil pher dījiye na bigaḌiye huzūr aap
yaañ bose se ġharaz hai na dushnām se ġharaz

lag chukī aag to lāzim hai dhuāñ uTThegā
dard ko dil meñ chhupāne kī zarūrat kyā hai

apne college meñ bahut maġhrūr jo mash.hūr hai
dil mirā kahtā hai us laḌkī meñ chāhat hai bahut

suneñ na dil se to phir kyā paḌī thī ḳhāroñ ko
ki gul ko mahram-e-anjām-e-rañg-o-bū karte