Tags-Dil

muddatoñ sañg musībat kī ragaḌ khātā hai
tab kahīñ ā.īna-e-dil meñ jilā aatī hai

ho be-laus mohabbat jin kī ġhanī hoñ jin ke dil
dāman sab ke bhar jaate haiñ aise aise log

ġhazal sunā ke kabhī nazm gungunā ke mirī
vo kah rahā thā mire dil kā mājrā mujh se

daad miltī nazar-e-ahl-e-nazar se pahle
maut aatī jo kahīñ dil ko jigar se pahle

merā marnā tumheñ ho jā.egā ḳhud hī ma.alūm
dil taḌap uTThegā siine meñ ḳhabar se pahle

sar-e-anjuman ġhanīmat hai butoñ kī kam-nigāhī
ki sukūn-e-dil pe aatī hai nazar se bhī tabāhī

agarche rañj baḌā dil dukhāne vaalā thā
magar maiñ hañsne se kab baaz aane vaalā thā

koī shai dil ko bahlātī nahīñ hai
pareshānī kī rut jaatī nahīñ hai

shoḳhī se har shagūfe ke TukḌe uḌā diye
jis ġhunche par nigāh paḌī dil banā diyā

kaun detā hai hamāre dil ko ye tarġhīb-e-nek
rahnumā baiThā huā hai kyā koī rahzan ke paas

'shād' ab dil kā tumhāre haath aanā hai muhāl
vo magan baiThā huā hogā kisī pur-fan ke paas

ik jhalak dekhī thī us rū-e-dil-ārā kī kabhī
phir na āñkhoñ se vo aisā dilrubā manzar gayā

sub.h-e-kāzib kī havā meñ dard thā kitnā 'munīr'
rail kī siiTī bajī to dil lahū se bhar gayā

yuuñ hī idhar udhar kī sunāte raho mujhe
mausam bahut udaas hai dil hai dukhā huā

na.e ḳhayāl ab aate haiñ Dhal ke aahan meñ
hamāre dil meñ kabhī khet lahlahāte the

mire sar pe har ghaḌī fāḳhta kare kaam kyūñki na arre kā
qad-e-dil-rubā ke huzūr tū na chaman meñ ban ke sanobar aa

ye makāñ haiñ donoñ tire liye nahīñ ġhair kā hai yahāñ guzar
jo tū chashm meñ nahīñ aa.e hai mire dil meñ yaar suḳhnavar aa

ba-juz abr de but-e-bāda-kash nahīñ dil ke vāste jā.e-ḳhush
ki ye shīsha aur vo taaq hai tū 'nasīr' jā ke use dhar aa

koī to vārdāt huī hai jī us ke saath
kuchh to hai jis ne ye dil-e-sāda badal diyā

ye ishq hī kā vasf rahā hai ki 'sā.ima'
dil pe chaḌhā thā rañg jo gahrā badal diyā