Tags-But

gahtā huuñ jabīñ ko pā-e-but se
taqdīr likhā miTā rahī hai

ik roz milā ālam-e-mastī meñ jo ham se
tanhā but-e-badmast mai-āshām hamārā

aġhyār huuñ kahīñ but-e-shorīda-sar kahīñ
sab kuchh ho aah meñ to ho apnī asar kahīñ

jis tarah insāñ ko le Duube haiñ shaiḳh-o-barahman
laao sāġhar meñ Dubo deñ masjid-o-but-ḳhāna ham

kalma-e-haq bhī dam-e-naz.a na niklā muñh se
shaiḳh ko dhyān thā aisā but-e-tarsā.ī kā

bad-zan na ho kis tarah 'munīr' aaj ḳhudārā
maskī huī ai but tirī mahram nazar aa.ī

janāb-e-shaiḳh apnī fikr kiije ki ab ye farmān-e-barhaman hai
butoñ ko sajda nahīñ karoge to but-kade se nikāl deñge

ḳhudā hai jo is but se phir ho milāp
ġharaz aaj to is qadar ho ga.ī

jo but hai yahāñ apnī jā ek hī hai
duī chhoḌ bande ḳhudā ek hī hai

kyā tujhe ma.alūm hai dair-o-haram kī ek raah
but-parastī us jagah aur is jagah hai yak umuur

kahā maiñ us but-e-abrū-kamāñ kī ḳhidmat meñ
ḳhadañg-e-jabr ne tere kiyā hai mujh ko nigār

dil ko baitullāh kahtā hai jahāñ
is ko ai but manzilat manzil samajh

but bane haiñ yuuñ to ham bāteñ banāte haiñ hazār
baat lekin vasl kī aslan batā sakte nahīñ

umīd-e-rahm un se saḳht nā-fahmī hai āshiq kī
ye but sañgīñ-dilī apnī na chhoḌeñ gar ḳhudā aave

mere sanam-kade meñ ka.ī aur but bhī haiñ
ik merī zindagī ke tumhīñ rāz-dāñ nahīñ

bin tire ai but-e-ḳhud-kām ye dil ko hai ḳhatar
tere āshiq kā tamām aah kahīñ kaam na ho

jab ki pahlū meñ hamāre but-e-ḳhud-kām na ho
girye se shām-o-sahar kyuuñ ki hameñ kaam na ho

tujhe ḳhabar hī nahīñ hai ye qissa-e-kotāh
jahāñ pe but na gire kab vahāñ haram utrā

zāhid mirī samajh meñ to donoñ gunāh haiñ
tū but-shikan huā jo maiñ tauba-shikan huā

tark chashm-e-but-e-bad-kesh ḳhayāl us kā chhoḌ
murġh-e-dil sahme hai navak-faganī ḳhuub nahīñ