ulfat-e-shīrīñ ko bhārī sil samajh
sahl ko ai kohkan mushkil samajh
gard-bād-e-dasht ai majnūñ na ho
til ko laila chashm ko mahmil samajh
jaan nabz-e-rāh dasht-e-nīstī
teġh-e-abrū kā mujhe bismil samajh
dil ko baitullāh kahtā hai jahāñ
is ko ai but manzilat manzil samajh
hai jo shab-bedār terī yaad meñ
us farāmush-kār ko ġhāfil samajh
ḳhūn-e-dil hai surḳh-rūī kā nishāñ
mujh ko bismil apnā ai qātil samajh
vo nigāh-e-garm hai barq ai 'vaqār'
ḳhirman-e-hastī ko be-hāsil samajh