Tags-But

dekh pachhtā.egā o but mire tarsāne se
uTh ke ka.abe ko chalā jā.ūñgā but-ḳhāne se

man.a kyuuñ karte ho ishq-e-but-e-shīrīñ-lab se
kyā maze kā hai ye ġham dosto ġham khāne do

jab hijāboñ meñ pinhāñ thā husn-e-butāñ but-parastī kā bhī ek meyār thā
ab to har moḌ par but hī but jalvagar ab kahāñ tak butoñ ko ḳhudā māniye

but yahāñ milte nahīñ haiñ yā ḳhudā miltā nahīñ
azm mustahkam to ho duniyā meñ kyā miltā nahīñ

arsa-e-hashr meñ pursish jo huī us but kī
mere hī dil meñ vo ġhārat-gar-e-īmāñ niklā

ek dil hai ki ujaḌ jaa.e to bastā hī nahīñ
ek but-ḳhāna hai ujḌe to haram hotā hai

'muhib' tum but-parastī ko na chhoḌo
tumhārā yaañ huvaidā ho.egā rab

vo mujassam bhī jo aa jaa.e to dekhūñ na use
merī us but kī ibādat kabhī aisī to na thī

āḳhirī but ḳhudā na kyuuñ Thahre
but-shikan but-garī ko bhuul gayā

savāl-e-vahshat-e-jāñ ke javāb āhista āhista
but-e-kāfir uThāte haiñ naqāb āhista āhista

ik bosa dījiye mirā īmān lījiye
go but haiñ aap bahr-e-ḳhudā maan lījiye

kyā ye but baiTheñge ḳhudā ban kar
allāh allāh ai barahman kar

sadāqat se lahak jaate haiñ tan-sāzoñ ke but-ḳhāne
ġhazal kī aag se faulād kā paikar pighaltā hai

zamāna mast-e-ishrat hai takalluf ke jahannam meñ
haram kā pāsbāñ but-ḳhāna-e-āzar meñ paltā hai

aayā jo nazar husn-e-ḳhudā-dād kā jalva
but ban gayā muñh dekh ke har barahman un kā

tuur vaale tirī tanvīr liye baiThe haiñ
ham tujhī ko but-e-be-pīr liye baiThe haiñ

musta.id haiñ us but-e-tannāz par bahr-e-nisār
yak taraf sabr-o-dil-o-dīñ jān-o-īmāñ yak taraf

mujhī pe kyā hai nahīñ hai kis meñ ye but-tarāshī ye but-parastī
agar na husn-e-nazar se dekho to koī bhī phir hasīñ nahīñ hai

ka.ī rātoñ se bas ik shor sā kuchh sar meñ rahtā hai
ki vo but bhī nahīñ phir kis tarah patthar meñ rahtā hai

jis tarah ham rahe duniyā meñ haiñ us tarah 'razā'
shaiḳh but-ḳhāne meñ ka.abe meñ barahman na rahā