Tags-But

us but ne jahāñ banāyā thā but
maiñ barsoñ vahīñ banā rahā thā

is but ke har fareb pe qurbān se rahe
ik umr apne miTne ke sāmān se rahe

mukhḌā vo but jidhar karegā
banda sajda udhar karegā

but-ḳhāne kā azm hai 'māhir'
ka.abe kā dar baaz kahāñ hai

haiñ terī ishva-garī ke ye muḳhtalif pahlū
kalīsā kyā hai haram kyā hai but-kada kyā hai

aadmī se but kahā.e ab ḳhudā.ī kā hai azm
Tuk karo insāf apnī had se tum bāhar chale

yā zarbat-e-ḳhalīl se but-ḳhāna chīḳh uThā
yā pattharoñ ko ma.arifat-e-zāt ho ga.ī

saffākī meñ ek se haiñ sab jin ke saath bhī jaao
ka.abe vaale is jānib haiñ vo but-ḳhāne vaale

kahīñ aa.eñ kahīñ jaa.eñ kahīñ uTTheñ kahīñ baiTheñ
qadam hir-phir kar apnā ham ko but-ḳhāne meñ rakh denā

kitne hī dā.eroñ meñ baTā markaz-e-ḳhayāl
ik but ke ham ne saikaḌoñ paikar banā diye

tamkīn-e-ḳhāmushī ne unheñ but banā diyā
sab is gumān meñ haiñ ki un ke dahan kahāñ

kāfir par bhī na guzre aisī
ham par jo but-e-tarsā guzrī

ulfat-e-but ne kar diyā kāfir
ye kyā bār-e-ḳhudāyā guzrī

ma.abad-e-husn-o-mohabbat bārgāh-e-soz-o-sāz
tere but-ḳhāne hasīñ tere kalīsā dil-navāz

dostī sahal nahīñ us but-e-bad-ḳhū se 'nasīm'
zid na kar dekh mirī jaan baḌī mushkil hai

rāz-e-dil us but-e-bad-ḳhū se kahūñ yā na kahūñ
baat nāzuk hai vo nādān baḌī mushkil hai

mehrāb-e-ābrū-e-but-e-kāfir-adā ko dekh
ka.aba kā shaiḳh bāñdh ke ehrām rah gayā

zānū-e-but pe jaan dī dekhā
'momin' anjām-o-iḳhtitām mirā

ka.abe se jo but nikle bhī to kyā ka.aba hī gayā jo dil se nikal
afsos ki but bhī ham se chhuTe qabze se ḳhudā kā ghar bhī gayā

mujh se hans hans ke tirī mashq-e-sitam hotī hai
tujh sā monis but-e-tannāz kahāñ se lā.ūñ