Tags-Bijli

paanī meñ aag dhyān se tere bhaḌak ga.ī
aañsū meñ kauñdtī huī bijlī jhalak ga.ī

baaġh par bijlī gire yā nazr-e-gulchīñ ho rahe
aah ab sochoñ ke dhāre is nahaj par aa ga.e

vahāñ thā aaj gul khulne kā imkāñ
jahāñ kal raat hī bijlī girī hai

ab dil kī taḌap meñ jīvan hai jīvan meñ taḌap hai bijlī kī
ab dil ko sadā hī dhḌaknā hai 'farhat' ko sadā hī taḌapnā hai

barq-andāz na kis tarah karūñ nāla-e-garm
jaan betāb hai bijlī kī tarah taḌ paanī

girī paḌtī hai bijlī hī tabhī se ḳhirman gul par
Tak ik hans mere rone par ki dekhe tere dandāñ ko

bahut ro.e jo ham ye āstīñ rakh muñh pe ai bijlī
na chashm-e-kam se dekh us yādgār-e-chashm-e-giryāñ ko

ḳhirman-e-dil pe girī hai to koī baat nahīñ
Dar hai kaundī na ho bijlī tire kāshāne meñ

bijlī to sunā hai kahīñ jañgal meñ girī thī
utrā huā chehra hai chaman meñ gul-e-tar kā

bādal garje bijlī kaḌke yā sāvan bhādoñ barseñ
ham saḌkoñ pe rahne vaale chuppī saadh ke so leñge

bijlī thī chamaktī huī dāmāñ-e-shafaq meñ
yā mauj-e-tabassum thī laboñ meñ jo nihāñ thī

ai andalīb apne nasheman kī ḳhair maañg
bijlī ga.ī hai sū-e-chaman dekhtī huī

kāñTā huuñ baaġh meñ to maiñ bijlī huuñ charḳh par
ye rañg-e-lāġharī hai vo shakl iztirāb kī

vo hai hairat-fazā-e-chashm-e-ma.anī sab nazāroñ meñ
taḌap bijlī meñ us kī iztirāb us kā sitāroñ meñ

maiñ kyā karūñ adā-e-ġhazab-nāk kā bayāñ
bijlī sā mere sāmne aa kar kaḌak gayā

ye jo bijlī sī chamak jaatī hai
saat pardoñ meñ nihāñ thī pahle

mayassar aag hai gul kī na bijlī
andhere meñ paḌe haiñ āshiyāñ tak

savāl-e-dīd pe tevrī chaḌhā.ī jaatī hai
majāl-e-dīd pe bijlī girā.ī jaatī hai

Thahar Thahar kar kauñd rahī thī bijlī bāhar jañgal meñ
train rukī to sarpaT ho gayā ghoḌā vaqt kī tāzish kā

jaltā nahīñ be-kasī kā ḳhirman
bijlī sā lapak rahā huuñ kab se