Tags-Zulf

yaad aa.e tirī zulf na mujh ko jo chaman meñ
de taab mire dil ko na sumbul kī ishārat

roz-o-shab zikr-e-zulf-o-ārif hai
ye kahānī kabhī tamām nahīñ

jis ne uljhāyā hai kitne hī diloñ ko yaaro
ham bhī us zulf-e-girah-gīr ko suljhāne chale

de ke bū zulf kī rakh lo tah-mahram dil ko
ḳhvāb meñ phir na Daroge ye hai Dar kā ta.avīz

kaun kahtā mujhe shā.ista-e-tahzīb-e-junūñ
maiñ tirī zulf-e-pareshāñ ko agar chheḌ na duuñ

āshiq ke rozgār ko us ne siyah kiyā
kākul se ḳhat se zulf se ḳhālī siyāh se

sāya-e-zulf nahīñ shola-e-ruḳhsār nahīñ
kyā tire shahr meñ sarmāya-e-dīdār nahīñ

fitna-e-gardish-e-ayyām se jī Dartā hai
sāya-e-zulf-e-siyah-e-fām se jī Dartā hai

lachakte hī kamar zulf-e-rasā kī jhoñk lene se
asar ma.ashūq-pan kā hai nazākat aa hī jaatī hai

bād-e-sarsar bhī qurbat kī chaltī rahe din nikaltā rahe shaam Dhaltī rahe
zulf hāthoñ se tere sañvartī rahe din nikaltā rahe shaam Dhaltī rahe

ai nazar shukr bajā lā ki khulī zulf-e-darāz
ai sadaf aañkh uThā abr-e-guhar-bār aayā

shukr-e-īzad ki vo sarḳhail-e-masīhā-nafsāñ
zulf bar-dosh pai-e-pursish-e-bīmār aayā

duniyā se dāġh-e-zulf-e-siyah-fām le gayā
maiñ gor meñ charāġh sar-e-shām le gayā

tasvīr-e-zulf-o-āriz-e-gulfām le gayā
murġhān-e-quds ke liye gul-dām le gayā

tum samajhte ho jin ko mīr-e-chaman
zulf-e-hirs-o-havā ke haiñ vo asiir

dil na chhuT zulf-e-butāñ chashm kā bāñdhe hai ḳhayāl
yaad mazmūñ hai pareshāñ ko pareshānī kā

zulf gar khīñch sake yaar ke tū shāne se
haath yak-dast qalam kījiyegā 'mānī' kā

zulf lahrā ke fazā pahle mo.attar kar de
jaam phir āñkhoñ ke mai-ḳhāne se bhar bhar kar de

ḳhudā zulf se dil jigar ko bachā.e
baḌe pech meñ donoñ aa.e hue haiñ

ruḳh ḳhāl-o-zulf-o-ḳhat lab dandāñ zaqan zanaḳhdāñ
us ke haiñ apne dushman 'inshā' har aan āThoñ