sar chashm sabr dil diiñ tan maal jaan āThoñ
sadqa ka.ī haiñ tum par lo mehrbān āThoñ
saj-dhaj nigah akaḌ chhab husn-o-adā-o-shoḳhī
nām-e-ḳhudā haiñ tujh meñ ai naujavān āThoñ
fardañg-o-chañg-o-nai daf bīn-o-rubāb-o-surnī
ham-sāz-o-ham-navā haiñ lete haiñ taan āThoñ
sātoñ suroñ meñ mutrib gat bhī ye guth rahe haiñ
haiñ sam pe aa Thaharte yakjā nadān āThoñ
ruḳh ḳhāl-o-zulf-o-ḳhat lab dandāñ zaqan zanaḳhdāñ
us ke haiñ apne dushman 'inshā' har aan āThoñ