Tags-Zulf

ham us kī zulf kī zanjīr meñ hue haiñ asiir
sajan ke sar kī balā aa paḌī hamāre gale

aayā ye kaun sāya-e-zulf-e-darāz meñ
peshāni-e-sahar kā ujālā liye hue

kabhī kahtā thā qais ġhazāloñ se jā kaho naaqa yaañ se kidhar ko gayā
kabhī kahtā thā tū hī batā.e sabā tujhe lailā kī zulf-e-dotā kī qasam

chhū kar nahīñ guzrī hai tirī zulf-e-muattar
is baar to mahrūm chalī aa.ī sabā bhī

nāgin hai zulf-e-yār na zinhār dekhnā
uḌ uḌ ke kāTtī hai ḳhabar-dār dekhnā

ik buuñd hai lahū kī magar be-qarār hai
dil ko chhupā.e zulf-e-shikan-dar-shikan kahāñ

un kī ārā.ish se mere kaam ban jā.eñge kyā
dil kī gutthī shāna-hā-e-zulf suljhā.eñge kyā

bande kyā chāhtā hai dām-o-dīnār
yā daulat yā panda-e-zulf-o-ruḳhsār

pahle kar lo rasā.ī zulf talak
silsile ko junūñ ke thaam to lo

yā rab mirī hayāt se ġham kā asar na jaa.e
jab tak kisī kī zulf-e-pareshāñ sañvar na jaa.e

mere junūñ ko zulf ke saa.e se duur rakh
raste meñ chhāñv pā ke musāfir Thahar na jaa.e

hazrat-e-zulf-e-ġhāliya-afshāñ
naam apnā sabā sabā kiije

nahīñ bachtā donoñ kā maarā huā
tirī zulf aur azhdahā ek hai

na aanā tū us zulf ke pech meñ
are dil vo kaalī balā ek hai

us zulf ke phande se nikalnā nahīñ mumkin
haañ maañg koī raah nikāle to nikāle

kūcha-e-zulf nit añdherā hai
vahāñ siyah-baḳht dil kā Derā hai

dhyān aa gayā jo shaam ko us zulf kā 'rasā'
uljhan meñ saarī raat hamārī basar huī

khulī vo zulf to pahlī hasīn raat huī
uThī vo aañkh to taḳhlīq-e-kā.enāt huī

na vo ishq meñ rahīñ garmiyāñ na vo husn meñ rahīñ shoḳhiyāñ
na vo ġhaznavī meñ taḌap rahī na vo ḳham hai zulf-e-ayāz maiñ

lā.eñgī rañg lā.eñgī aa.heñ mirī rā.egāñ hī na jā.eñgī aa.heñ mirī
merī qismat to sañvre na sañvre magar zulf to us parī kī sañvar jā.egī