Tags-Azal

azal se rā-navardī jo thī vo ab bhī hai
abhī chhaTā thā abhī raah meñ ġhubār uThā

meñ bhed kyā tujhe duuñ be-karāñ ḳhalāoñ ke
ki maiñ azal se isī halqa-e-madār meñ huuñ

maut de bhī ga.ī hai javāb-e-azal
aur khaḌā rah gayā lā-javāb aadmī

visāl-e-dost se bhī kam na ho sakī 'rāshid'
azal se paa.ī huī tishnagī ko kyā kiije

ye ḳhūnīñ khel hai roz-e-azal se jaarī hai
vo merī jaan ke maiñ us ke sar ke pīchhe huuñ

is dahr ke azal se ye lail-o-nahār haiñ
sūraj ko din kī chāñd ko hai rāt-bhar kī qaid

dil bhī qassam-e-azal ne vo diyā qismat se
jis ne duniyā meñ na rakkhā kisī qābil mujh ko

roz-e-azal se ġhāfil terā hī dil hai tujh ko
nāshād karne vaalā yā shaad karne vaalā

yuuñ za.īfī aa ga.ī goyā azal se the za.iif
aur shabāb aisā gayā jaise kabhī aayā na thā

dil kī jaulāñ-gah-e-vahshat hai abad se mausūm
naam azal hai mire bhūle hue afsāne kā

badal sakegī na fitrat-e-sarkashī ko ye gardish-e-zamāna
azal se jo āsmāñ banā hai abad talak āsmāñ rahegā

''kun'' kā afsūn-e-azal phūñkā gayā thā jis ghaḌī
mujh ko ab bhī yaad hai bār-e-digar samjhā thā maiñ

sub.h-e-azal jo husn huā dilsitān-e-ishq
āvāz-e-kun huī tapish āmoz-e-jān-e-ishq

talāshte rahe kāñToñ meñ phuul se paikar
mizāj ham ko azal se hī āshiqāna milā

merī har taan hai az-roz-e-azal tā-ba-abad
ek sur ke liye mizrāb meñ aayā huā huuñ

ham vahī soḳhta-sāmān-e-azal haiñ ki jinheñ
zindagī duur tak aa.ī thī manāne ke liye

azal siiñ kyuuñ ye abad kī taraf kuuñ dauḌeñ haiñ
vo zulf dil ke talab kī magar barāteñ haiñ

maqtal-e-ishq meñ ham roz-e-azal se yaaro
bismil-e-ġham-za-e-ḳhūñ-ḳhvār haiñ kin ke un ke

karam kī 'mā.il' pe bhī nazar ho nazar meñ phir chulbulā asar ho
azal se ummīd-vār maiñ bhī ilāhī terī janāb meñ huuñ

vo apnā chehrā agar dikhā.e yaqīn andhoñ ko ḳhaak aa.e
pukārtī hai ye be-hijābī ki maiñ azal se hijāb meñ huuñ