Tags-Azal

chal paḌe sub.h-e-azal 'shāz' ishāre pe tire
ham ne sochā hī nahīñ raḳht-e-safar kyā kuchh hai

sub.h-e-azal se tā-abad qissa na hogā ye tamām
jaur-e-falak kī dāstāñ aisī bhī muḳhtasar nahīñ

zulmat-kada-e-fikr meñ tābāñ haiñ azal se
ġhālib ke kahīñ 'mīr'-taqī-'mīr' ke motī

dil ki hai mātamī-e-hasrat-e-ta.amīr-e-azal
ḳhud hī ġhārat-e-gar-e-sāmāñ hai ḳhabar-dār raho

ham se chhinā hai nāf-piyāla tirā miyāñ
goyā azal se ham saf-e-lab-tishnagāñ ke the

roz-e-azal se sochte zehnoñ kī ham-safar
sahrā kī dhuup aur ye parchhā.iyāñ tamām

mirī jabīñ kā chamaktā sūraj mire jilau meñ sadā rahā hai
maiñ raat kī zulmatoñ ko 'ārif' azal se lalkārtā rahā huuñ

az-roz-e-azal hai ki nahīñ hai kā hai mahshar
aur is kā javāb aaj bhī haañ bhī hai nahīñ bhī

ik bayābāñ bhī milā muntazir-e-nūr-e-azal
dil kī vīrānī ko jab pesh-e-nazar ham ne kiyā

sāqī-e-bazm-e-roz-e-azal ne bāda-e-husn bharā hai is meñ
āñkheñ haiñ sāġhar shīsha hai gardan māshā-allāh māshā-allāh

azal ke din se 'mubārak' havāoñ kī zad par
mirā vajūd diye kī misāl rakkhā hai

ai qissa-go azal se jo biitī hai vo sunā
kuchh log tere fan ke parastār aa.e haiñ

the muntashar azal meñ jo zarrāt-e-kū-e-dost
insān ban ke ālam-e-imkāñ meñ aa ga.e

maiñ azal se fidā.ī huuñ jis kā
us kā nām-o-nishāñ nahīñ ma.alūm

ham ko ho saktā nahīñ dhokā hujūm-e-hashr meñ
terī sūrat hai azal se jānī-pahchānī huī

usī kā naam azal hai usī kā naam abad
vo ek raat jo phūloñ ke darmiyāñ guzrī

phalūñ phūlūñgā maiñ duniyā se jā kar bāġh-e-jannat meñ
azal se parvarish hotā huuñ maiñ gulzār-e-rahmat meñ

na jaane kaun thā dasht-e-azal-abad meñ 'nisār'
jo apne aap se miltā to kyuuñ bichhaḌtā maiñ

ek saaya thā chalā sub.h-e-azal mujh se tavīl
āfatoñ kā āftāb aayā to chhoTā rah gayā

maiñ adam ke lāla-zāroñ meñ navā-gar-e-azal thā
mujhe khīñch laa.ī zālim tirī aarzū kahāñ se