Tags-Partition

taqsīm tum mutābiq-e-mehnat na kar sake
taslīm ham mutābiq-e-qismat na kar sake

yahī hai kyā tirī taqsīm-e-gulsitāñ kā usuul
kisī ko phuul mileñ aur kisī ko ḳhaar babūl

magar shā.irī hai us fan kā naam
jise taqsīm karne meñ

sar-e-mahfil vo phir se aa ga.e haiñ aaj be-parda
na jaane kaun sī shai phir mirī taqsīm honī hai

badalte vaqt ne taqsīm kar diyā mujh ko
the mere ḳhvāb jo tere vahī kisī ke hue

hue taqsīm jab se dushmanī qaa.em bhī hai lekin
udhar vaale hamārī ham udhar kī baat karte haiñ

ye duniyā to un shola sāmān logoñ ne aapas meñ taqsīm kar lī
jo hathiyār kī shakl meñ ranj-o-ġham Dhālte haiñ

ajiib Dhañg se taqsīm-e-kār kī us ne
so jis ko dil na diyā us ko dilrubā.ī dī

taqsīm ho gayā hai donoñ meñ ek rahbar
ik haath us ke hisse ik haat mere haq meñ

ajiib Dhañg se taqsīm-e-kār kī us ne
so jis ko dil na diyā us ko dilrubā.ī dī

jis se ho jaa.eñ mire chāhne vaale taqsīm
aisī dīvār na koī mire me.amār uThā

ishq ne mansab-e-ushshāq jo taqsīm kiye
baaġh bulbul ko diyā kūcha-e-jānāñ mujh ko

yuuñ apnā nāma-e-a.amāl kar liyā taqsīm
gunāh merī taraf haiñ savāb us kī taraf

zarūr puchhuñgā taqsīm karne vaale se
rakhā hai kis liye saarā shabāb us kī taraf

ḳhudā-e-dasht kī taqsīm par maiñ raazī huuñ
ki āb-pāre tire haiñ sarāb mere haiñ

us lutf-o-karam ke aa.iiñ meñ mar kar bhī na kuchh tarmīm huī
is mulk ke kone kone meñ miTTī bhī tirī taqsīm huī

mere behis maiñ tujhe milne nahīñ ā.ūñgī
aaj taqsīm huā merā irāda aadhā

ḳhuda-e-har-do-jahāñ ḳhuub hai tirī taqsīm
zamīñ pe dair-o-haram aur falak pe maiḳhāne

jis ilm ne insānoñ ko taqsīm kiyā hai
is ilm kā tujh par koī ilzām nahīñ hai

jo imdād tūfāñ ke māroñ ko aa.ī
use ḳhuub taqsīm-kāroñ ne luuTā