Tags-Adoo

halāvat se adū ko aur mujhe talḳhī se farmāyā
tumheñ qand-e-mukarrar hoñ tumheñ zahr-e-halāhil huuñ

adū par zulm dhāte ho na us ko qatl karte ho
usī par hai tumheñ da.avā ki zālim huuñ maiñ qātil huuñ

mujh se huā hai vāda-e-roz-e-jazā abhī
dete ho kyā javāb adū ke payām kā

baḌhāne ko qisse shab-e-vasl meñ
fasāne adū ke sunāte haiñ aap

bigaḌ kar adū se dikhāte haiñ aap
banāvaT kī bāteñ banāte haiñ aap

na pūchho ham se ki kyā sabab hai siyāh rozī kā apnī 'sālik'
chamak rahā hai bahut dinoñ se adū pe vo āftāb-e-āriz

ye rañg-e-bazm-e-adū to dekho ki laakh parde kiye haiñ haa.il
naqāb uThā.e vo go haiñ baiThe magar hai ġhairat hijāb-e-āriz

ik adū hai jo ujaḌne nahīñ detā mujh ko
ḳhud ko barbād bhī kar luuñ to basātā hai mujhe

halāk andāz-e-vasl karnā ki parda rah jaa.e kuchh hamārā
ġham-e-judā.ī meñ ḳhaak kar ke kahīñ adū kī ḳhushī na karnā

maiñ aap apnā muḳhālif maiñ aap apnā harīf
mire alāva mirā koī bhī adū nahīñ hai

ye niiñd jis ko zamāna sukūñ samajhtā hai
hamāre jism pe misl-e-adū utartī hai

jo qadar-e-fan kā ta.ayyun karo to dhyān rahe
isī sabab se adū merā ik zamāna rahā

mirā adū to thā ilm-ul-kalām kā māhir
mire ḳhilāf zamāne ko bol kar kartā

ye jhūTī mohabbat se un kī husūl
shikāyat adū kī agar ho ga.ī

nahīñ kyā karoge na ham ko sunāo
shikāyat adū kī magar ho ga.ī

maiñ aur kuchh nahīñ kahtā magar ye sun rakhiye
adū kā dil hai labālab hasad se kiine se

adū se shikva-e-qaid-o-qafas kyā
tumhāre ba.ad jiine kī havas kyā

vo mujh se bhartā thā dum dostī kā lekin jab
adū se haath milāyā to aañkh bhar aa.ī

'jāved' vo laash kyuuñ uThā.eñ
marzī bhī to pūchh leñ adū kī

roī vahāñ sham.a yaañ hañse phuul
vo qabr mirī thī ye adū kī