Tags-Adoo

junūñ ke saath bhī rasmeñ ḳhirad ke saath bhī qaid
kise rafīq banāte kise adū karte

qadam qadam pe ḳhulūs-e-vafā kā zikr kiyā
adū mile bhī to kis husn-e-sādgī se mile

kiyā zanjīr mujh ko chāra-gar ne kin dinoñ meñ jab
adū kī qaid se vo shoḳh-e-be-parvā nikal aayā

āshiq hue vo jaise adū par ye haal hai
rakh kah ke haath dekhte haiñ baar baar dil

hasad kī aag meñ jaltā hai ab tak
barastī hai adū kī qabr par aag

ahbāb ye tum kahte ho bajā vo bazm-e-adū meñ baiThe haiñ
vo aa.eñ na aa.eñ un kī ḳhushī charchā to karo mar jaane kā

'shaidā' ko tere ḳhauf kisī kā nahīñ yahāñ
saarā jahāñ ho us kā adū to magar na ho

chale vo sham.a jalāne mazār par kis ke
ki saath saath adū aag ho ke jal ke chale

is naaz ke sadqe huuñ tire maiñ ki udū se
sau baar sunā hai pe mirā naam na aayā

dil ḳhuub jāntā hai ki tum kis ḳhayāl se
karte rahe adū kī burā.ī tamām shab

bazm meñ zahr ugalne ko adū
dar pe darbān hai kyā mushkil hai

munsifo haath se ab dashna-o-ḳhanjar rakh do
kyā burā hai agar insāf adū detā hai

so hī jaave mire tāle.a ke barābar aa kar
kyā ho gar baḳht-e-adū bhī sar-e-bāzār bike

hai shab-e-vasl-e-adū aur zamāna mahjūr
kyuuñ na bistar ke liye gul kī jagah ḳhaar bike

kuchh ab ke rasm-e-jahāñ ke ḳhilāf karnā hai
shikast de ke adū ko maaf karnā hai

jo kuchh guzartī hai dil pe pyāre idhar hamāre udhar tumhāre
kaheñ vo kis se adū haiñ saare idhar hamāre udhar tumhāre

adū se jaan bachchī hai na dost bichhḌe haiñ
ye shām-e-giryā hameñ be-sabab pukārtī hai

bazm-e-adū meñ sūrat-e-parvāna dil mirā
go rashk se jalā tire qurbān to gayā

us se ham jā bhiḌe adū ke ghar
hai paḌī ḳhānumāñ-ḳharāb sharāb

adū bhī naaz uThā.e vo kaam kar 'shātir'
zamāna sar ko jhukā de vo naam paidā kar