adū se shikva-e-qaid-o-qafas kyā
tumhāre ba.ad jiine kī havas kyā
ham apnī dastaras meñ bhī nahīñ haiñ
zamāne par hamārī dastaras kyā
ka.ī din se ye dil kyuuñ muztarib hai
nahīñ chaltā ab is pe apnā bas kyā
hamāre paañv meñ chhāle paḌe haiñ
to phir is meñ ḳhatā-e-ḳhār-o-ḳhas kyā
jahāñ ḳhālī jagah hai baiTh jaao
aqīdat meñ ye fikr-e-pesh-o-pas kyā
ḳhafā rahne lage ho mujh se akasr
judā ho jāoge ab ke baras kyā