bigaḌ kar adū se dikhāte haiñ aap
banāvaT kī bāteñ banāte haiñ aap
baḌhāne ko qisse shab-e-vasl meñ
fasāne adū ke sunāte haiñ aap
kisī ko tajallī kisī ko javāb
ajab kuchh lagāte-bujhāte haiñ aap
bigaḌne ke asbāb lāzim nahīñ
na.ī baat dil se banāte haiñ aap
na aanā thā gar aa.e kyuuñ ḳhvāb meñ
magar sote fitne jagāte haiñ aap
bañdhe kyā kisī se ummīd-e-visāl
nazar se nazar kab milāte haiñ aap