Tags-Hawa

ḳhud maiñ ne apne-āp ko bad-nām kar diyā
sābit huā ki mujh se adāvat mujhī ko hai

dekheñ to havā jamī huī hai
socheñ to daraḳht jhūmte haiñ

jīte-jī ke āshnā haiñ phir kisī kā kaun hai
naam ke apne huā karte haiñ apnā kaun hai

aag apne hī lagā sakte haiñ
ġhair to sirf havā dete haiñ

zinda huuñ is tarah ki ġham-e-zindagī nahīñ
jaltā huā diyā huuñ magar raushnī nahīñ

agarche roz-e-azal bhī yahī añdherā thā
tirī jabīñ se nikaltā huā saverā thā

vajūd kā huā jaatā hai falsafa paanī
rumūz-e-zāt se parde uThā rahī hai ġhazal

chhāleñ shajar shajar se utarne ko aa ga.iiñ
bosīda pairahan huā itnā ki phaT gayā

ajab nahīñ ki isī baat par laḌā.ī ho
muāhida ye huā hai ki ab laḌeñge nahīñ

samundaroñ kī taraf jā rahā huuñ jaltā huā
ki merī aag ko bādal bujhāne vaalā nahīñ

mauj-e-havā se phūloñ ke chehre utar ga.e
gil ho ga.e charāġh gharauñde bikhar ga.e

jo sar jhukā thā sañg-e-dar-e-yār dekh kar
ūñchā huā hai phir rasan-o-dār dekh kar

shorīdgi-e-sar ko na thā koī mashġhala
dil ḳhush huā hai raah meñ dīvār dekh kar

hamārā daur mukammal nahīñ huā lekin
talāsh-e-rāh na koī talab hai manzil kī

kisī ne mujh ko rulāyā koī hañsā mujh par
jo tū huā to huā terā ghar kā ghar gustāḳh

kahā thā maiñ ne ki dil ko sazā.eñ aap na deñ
ye pesh-tar se huā aur beshtar gustāḳh

kabhī lamha-bhar kī bhī guftugū mirī us ke saath na ho sakī
mujhe fursateñ nahīñ mil sakīñ vo havā ke rath par savār thā

ek to sar-phirī havā kī chaal
aur kashtī bhī bādbānī hai

mirā rafīq pas-e-jism-o-jāñ zinda rahā
yaqīn murda huā par gumān zinda rahā

havā se le to liyā Dher sūkhe pattoñ kā
na jaane raakh meñ merī sharar bhī hai ki nahīñ