Tags-Hawa

tamām-umr khelte rahe qazā kī god meñ hamīñ
ye kyā mazāq kar gayā tū ham se kheltā huā

bulandiyoñ ko pastiyoñ ko rauñdtā chalā gayā
hañsī-ḳhushī tumhāre har qadam se kheltā huā

abhī to reñgtā huā adam ko jā rahā huuñ maiñ
phir ulTe paañv ā.ūñgā adam se kheltā huā

magar is baar jaane kyā huā mujh ko
numā.ish kī dukānoñ meñ

vo huā chup to merī nazroñ ne
ek ḳhush-rañg sī kalī dekhī

guzar ke aa.ī huuñ maiñ ġham ke regzāroñ se
nazar udaas hai dil hai dukhā huā merā

na jaane kis liye qātil ke ashk bhar aa.e
farāz-e-dār pe jab sāmnā huā merā

vo sāneha mire dil par guzar gayā 'gulnār'
har ek harf-e-duā be-sadā huā merā

āsāñ har ek ho ga.ī mushkil mire liye
jis din se mohtaram huā qātil mire liye

ham ki haiñ naqsh sar-e-reg-e-ravāñk kyā jaane
kab koī mauj-e-havā apnā nishāñ le jaa.e

ai yaas jo tū dil meñ aa.ī sab kuchh huā par kuchh bhī na huā
yaañ ho ga.ī ḳhāna-vīrānī aur terā zarar kuchh bhī na huā

thā qasd ki un ko rokeñgi shab guzrī inhīñ andeshoñ meñ
par hā.e-re nākāmī dil kī hañgām-e-sahar kuchh bhī na huā

ehsān tirā mujh par hotā gar ruuh ko kartā tan se judā
jab jaan bachī furqat kī shab ai dard-e-jigar kuchh bhī na huā

ai kaash vo bāteñ kī hotīñ jo vahshat-e-dil ko kam kartīñ
itnā jo bakā to ai nāseh mujh ko to asar kuchh bhī na huā

ab chāhiye aisī fikr tujhe jis se ki nazāre kī Thahre
har vaqt ke rone se hāsil ai dīda-e-tar kuchh bhī na huā

dil aur jigar jaañ aur ye sar ham shauq se laa.e paas tire
qismat kā gila ab kis se kareñ manzūr-e-nazar kuchh bhī na huā

yā us se javāb-e-ḳhat laanā yā qāsid itnā kah denā
bachne kā nahīñ bīmār tirā irshād agar kuchh bhī na huā

dhun vasl kī tujh par ġhālib hai tū aish-o-tarab kā tālib hai
kyā lutf 'haqīr' is ulfat kā betāb agar kuchh bhī na huā

tum phir usī adā se añgḌā.ī le ke hañs do
aa jā.egā palaT kar guzrā huā zamāna

mohabbat ke sivā harf-o-bayāñ se kuchh nahīñ hotā
havā sākin rahe to bādbāñ se kuchh nahīñ hotā