Tags-Hawa

tumhārī yaad se vābasta hai hayāt mirī
kisī kā yuuñ to huā kaun umr bhar phir bhī

tum apne gird fasīleñ banā ke baiThe ho
huā to hogā mirī yaad kā guzar phir bhī

sair karne se havā lene se
kaam hai dil ko maza lene se

aaj bhī naam vahī hai apnā
kyā huā naam kamā lene se

samajh sakā na koī aaj tak ki kyā huuñ maiñ
havā ke dosh pe jaltā huā diyā huuñ maiñ

sukh kī zamīñ basīt nahīñ hai to kyā huā
dukh to mirā vishāl hai ākāsh kī tarah

nahīñ hai aur kisī meñ ye hausla itnā
havā ke saath parinda hī chal rahā hogā

havā yūñhī nahīñ aatī hai ġhusse meñ 'sīmā'
charāġh koī kahīñ par to jal rahā hogā

shāyad is kal se murād huā kartī hai qayāmat kī duurī
'zauqī' se vo apne jab bhī kabhī kal kā va.ada farmāte haiñ

past ḳham khaa.e hue lab ḳhushk dam Duubā huā
chalte chalte ab to o zālim thakī jaatī hai teġh

ḳhuun garmātā hai jab paanī meñ lahrātā huā
misl-e-māhī ḳhauf ke maare uchhal jaatī hai teġh

zaḳhm-e-kārī ne kahīñ muñh khol kar kuchh kah diyā
kyā huā qabze se bāhar kyuuñ huī jaatī hai teġh

jo mere andar chhupā huā hai
us aadmī se bhī Dar rahā huuñ

charāġh-e-shauq pe rah rah ke nuur aatā hai
havā ba-tarz-e-ruḳh-o-chashm-o-lab pukārtī hai

maiñ naqsh-e-hijr-e-yār huuñ shab kī fasīl par
jaltā huā charāġh banāyā gayā mujhe

yahāñ tak ham aa ga.e haiñ
aur haañ tumhārā pata inhīñ logoñ se ma.alūm huā jo mar chuke the

maiñ to yaaro aap apnī jaan kā dushman huā
zahr ban ke aap apnī ruuh meñ utrā huuñ maiñ

ālām-e-rozgār ko āsāñ banā diyā
jo ġham huā use ġham-e-jānāñ banā diyā

kuchh shorishoñ kī nazr huā ḳhūn-e-āshiqāñ
kuchh jam ke rah gayā use hirmāñ banā diyā

tire diid se ai sanam chaman ārzuoñ kā mahak uThā
tire husn kī jo havā chalī to junūñ kā rañg nikhar gayā