Tags-Hawa

ek lamhe kī sharārat thī ki har lamha mujhe
āp-apnī samt se aatā huā patthar lagā

ḳhāmushī kī chār-dīvārī bhī shāyad gir chukī
aaj jaane kyā huā vo shaḳhs bhī be-ghar lagā

paḌā huā hai vo tārīkiyoñ ke malbe meñ
ḳhayāl-o-ḳhvāb meñ ik kahkashāñ banāte hue

haDDiyāñ jism kī niklī huī pichke hue gaal
maile sar meñ jueñ, a.azā se Tapaktā huā koḌh

shahr se yaar savār huā jo savād meñ ḳhuub ġhubār hai aaj
dashtī vahsh o tair us ke sar tezī hī meñ shikār hai aaj

barafaroḳhta ruḳh hai us kā kis ḳhūbī se mastī meñ
pī ke sharāb shagufta huā hai us nau-gul pe bahār hai aaj

ham pe nāzil huā sahīfa-e-ishq
sāhibān-e-kitāb haiñ ham log

ye log merī ḳhamoshī pe mujh se nālāñ haiñ
koī ye pūchhe maiñ goyā huā to kyā hogā

maiñ is liye bhī bahut muḳhtalif huuñ logoñ se
vo sochte haiñ ki aisā huā to kyā hogā

yahī achchhā huā mahfil meñ terī chup rahe varna
ġham-e-dil kī kahānī aur phir tarz-e-bayāñ apnā

huā hī chāhtī hai shaam bhī ab sub.h piirī kī
magar ab tak to hai pahlū meñ 'qaisar' dil javāñ apnā

ujālā kaam par hai pau phaTe se
añdherā chain se soyā huā hai

havā se laḌ rahe bujhte diye ne
hamārā zehn raushan kar diyā hai

badan par raushnī oḌhī hai sab ne
añdherā ruuh tak phailā huā hai

hamāre saath hī paidā huā hai ishq ai nāseh
judā.ī kis tarah se ho judā tavām bhī hote haiñ

jab tak ki na dekhā thā qad-e-yār kā aalam
maiñ mo'taqid-e-fitna-e-mahshar na huā thā

zamāne terī haqīqat samajh meñ aatī hai
havā kī thaap se ḳhālī subū jo boltā hai

ghaTā.eñ aa.eñ to ghar ghar ko Dūbtā pā.ūñ
havā chale to har ik peḌ ko girā dekhūñ

vo phuul jo mire dāman se ho ga.e mansūb
ḳhudā kare unheñ bāzār kī havā na lage

rogī huā hai dhuup ko tarsā huā badan
ai māmtā supūt ko ghar se nikāl de