Tags-Hawa

sambhal ke dekhā to kāñch sā jism kirchiyoñ meñ baTā huā thā
ḳhabar nahīñ hai ki mere andar vo ik dhamāka sā kiyā huā thā

vo kho gayā thā to yuuñ lagā thā ki izzat-e-nafs luT ga.ī hai
maiñ roz ke milne vaale logoñ meñ ik khilaunā banā huā thā

ḳhizāñ kī vo sard raat bhī maiñ ne ghar se bāhar guzār dī thī
ki mere bistar pe laash ban kar mirā hī saaya paḌā huā thā

sab apnī apnī sadā ke parcham supurd-e-shab kar ke so chuke the
bas ek maiñ hī muhīb lamhoñ ke lashkaroñ meñ ghirā huā thā

jise vo sāñsoñ kī loriyoñ se mire badan meñ sulā ga.ī thī
palaT ke aa.ī to vo chahaktā sharīr bachcha marā huā thā

ye ek parchhā.īñ sī jo sadiyoñ se mere ham-rāh chal rahī hai
yahī mirā harf-e-ibtidā hai maiñ jis se ik din judā huā thā

fikr-e-insāñ par tirī hastī se ye raushan huā
hai par-e-murġh-e-taḳhayyul kī rasā.ī tā-kujā

itnā to huā ai dil ik shaḳhs ke jaane se
bichhḌe hue milte haiñ kuchh dost purāne se

vo jo barsāt meñ bhīgā to nigāheñ uTThīñ
yuuñ lagā hai koī turshā huā patthar dekhā

jab bhī chāhā hai ki malbūs-e-vafā ko chhū leñ
misl-e-ḳhushbū koī uḌtā huā paikar dekhā

raqs karte hue lamhoñ kī zabāñ guñg huī
apne siine meñ jo utrā huā ḳhanjar dekhā

husn-o-ishq kī laag meñ āḳhir kis ko mujrim Thahrā.eñ
dil kā dāman chaak huā ho aisā bhī ho saktā hai

mire gulshan kā har ik phuul murjhāyā huā sā hai
kabhī kaliyoñ ke lab par muskurāhaT aa hī jā.egī

kyā likhā thā sar-e-mahzar jise pahchānte hī
paas baiThā huā har dost bahāne se uThā

go nāma-bar se ḳhush na huā par hazār shukr
mujh ko vo mere naam se pahchān to gayā

husn to bas do tarah kā ḳhuub lagtā hai mujhe
aag meñ jaltā huā

sirf halkā sā achambhā aks sā uḌtā huā
ik ḳhayāl-añgez qissa apnī aadhī maut kā

maiñ rāsta bhūlā huā pyāda huuñ mujhe kyā
rahbar ko agar jāda-e-barbād kī zid hai

ulajhtī rah ga.iiñ maujoñ se kashtiyāñ apnī
havā thī tez magar zor-e-bādbāñ na gayā

diye jalātā huā baḌh rahā hai dast-e-havā
fazā muhīb hai lekin ḳhayāl raushan hai