Tags-Hawa

jaan se haath na dho.e jaa.eñ
aur bahtā huā dariyā dekheñ

kis ke āñgan ko ujālā baḳhshe
'rām' TuuTā huā taarā dekheñ

baras kar khul gayā abr-e-ḳhizāñ āhista āhista
havā meñ saañs lete haiñ makāñ āhista āhista

bahut arsa lagā rañg-e-shafaq ma.adūm hone meñ
huā tārīk niilā āsmāñ āhista āhista

ho gayā mushkil mirī mizhgāñ se mizhgāñ kā milāp
haa.il ik dariyā huā ham is qadar royā kiye

kis intizār meñ hai ghar kā band darvāza
havā bhī sāya-e-zanjīr hī na ban jaa.e

daryāft kare vazn havā kā mujh se
pūchhe vo kabhī rañg sadā kā mujh se

har ek moḌ se pūchhā hai manziloñ kā pata
safar tamām huā rahbar nahīñ aa.e

but-parastī ne kiyā āshiq-e-yazdāñ mujh ko
parda-e-kufr meñ hāsil huā īmāñ mujh ko

mujh ko sunā.e jaate haiñ afsāne ḳhuld ke
Duubā huā huuñ mastī-e-sher-o-sharāb meñ

merā har ik nafas hai payām-e-razā-e-dost
zāhid phañsā huā hai azāb-o-savāb meñ

paikār hī jin kā sheva ho vo tund havā.eñ kyā samjheñ
gulzār to ham par tañg huā baazū to hamārā TuuT gayā

kab dīda-e-gul huā dāman jo jab chhoḌ ga.ī gul ko ḳhushbū
kab aayā shajar ko hosh-e-numū jab pattā pattā TuuT gayā

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

zar kā banda ho ki mahrūmī kā maarā huā shaḳhs
jis ko dekho vahī auqāt se niklā huā hai

ḳhud apne haath se siitā huuñ aur pahantā huuñ
is ahd-e-nau kā vo bikhrā huā libās huuñ maiñ

tirī talāsh meñ niklā to rāstā huā maiñ
so tere paañv meñ huuñ raah dekhtā huā maiñ

chaTaḳh rahā huuñ to ab is meñ kyā ta.ajjub hai
ḳhud apne bojh tale hī rahā dabā huā maiñ

kahīñ khiñchā rahā duniyā se misl-e-dast-e-faqīr
misāl-e-dast-e-tamannā kahīñ baḌhā huā maiñ

ajiib qaid thī jis meñ bahut ḳhushī thī mujhe
ab ashk thamte nahīñ haiñ ye kyā rihā huā maiñ