Tags-Hawa

ye dekh ġhaur se pahchān apnī kārīgarī
ki tere chaak se utrā thā kal banā huā maiñ

bas ek choT lagī thī ki band TuuT gayā
aur apnā-āp bahā le gayā thamā huā maiñ

zamāne dekhte haiñ kitnī der chaltī hai
bahut Datā huā tū hai bahut jamā huā maiñ

aag bhaḌkegī havā pā kar baḌā sach ye nahīñ
sach baḌā ye hai ki sho.aloñ ko havā dī jā.egī

jab havā baaġh se kahtī hai ḳhizāñ aa.ī hai
bāġhbāñ phuul liye haat meñ mar jaate haiñ

havā hai garm na kamre kī khiḌkiyāñ kholo
na jaane shahr meñ Thahre kahāñ ġhubār-e-havas

bujhāne ko havā ke saath gar bārish bhī aa jaa.e
charāġh-e-be-haqīqat kī haqīqat aur baḌhtī hai

qarīb apne jo aayā to laḌkhaḌā sā gayā
tū merī fikr na kar kuchh nahīñ huā mujh ko

na tū bulā.e mujhe aur na maiñ bulā.ūñ tujhe
ye kyā huā hai tujhe aur kyā huā mujh ko

nik.hat-e-gul kī hai raftār havā kī pāband
ruuh qālib se nikalne pe bhī āzād nahīñ

maiñ to soyā bhī na thā kyuuñ ye dar-e-ḳhvāb girā
merī āġhosh meñ bujhtā huā mahtāb girā

ye mat kaho ki bhiiḌ meñ tanhā khaḌā huuñ maiñ
Takrā ke ābgīne se patthar huā huuñ maiñ

kam se kam vo sar-e-bāzār to uchhle kore
le ke pagḌī sar-e-vā.iz se havā ho jaanā

yaad aatā hai to aatī hai raqīboñ pe hañsī
dekhte hī mujhe vo un kā havā ho jaanā

un kī bhābhī ne buḌhāpe meñ diyā hai bachcha
ab musallam huā 'hāshim' kā chachā ho jaanā

vaqt Thahrā huā sā lagtā hai
ruk gayā aa ke inqalāb kahāñ

numūd paate haiñ manzaroñ kī shikast se fat.h ke bahāne
charāġh zinda kiyā hai merā galī meñ dam toḌtī havā ne

gaañv ke gaañv bujhāne ko havā aa.ī thī
mere ma.asūm charāġhoñ se shurūāt huī

mar gayā maiñ jo mujhe pyaar se maarā us ne
sīdhī talvār huā us kā tamāñcha ulTā

dhuup se rañg aur havā se kāġhaz uḌ jaate haiñ
zehn meñ ik tasvīr ḳhayālī rah jaatī hai