Tags-Hawa

āḳhir-e-kār mai-parast huā
shaan hai us kī kibriyā.ī kī

ḳhatm huā hai 'ishqī' tum par silsila-e-vahshat-zadagāñ
shāyad koī shaḳhs tumhāre ba.ad vafā kā naam na le

aag dekhūñ kabhī jaltā huā bistar dekhūñ
raat aa.e to yahīñ ḳhvāb-e-mukarrar dekhūñ

āñgan meñ jo diip qatāroñ meñ rakkhe the dhuāñ hue
havā chalī us raat bahut jab mere ghar dīvālī thī

un ko tashbīh masīhā se jo dī vo bole
aaj ma.alūm huā maut tumhārī aa.ī

na huā hāshim-e-ayyār ke dil meñ sūrāḳh
ai shikārī tire tarkash meñ koī tiir bhī thā

fasīl-e-fikr se girtā huā misra.a uThānā hai
sirhāne ab mujhe har dam kitāb-e-'mīr' rakhnī hai

Thukrā.e hue dil kī yaad aa.ī to kyā aa.ī
pheñkā huā shīsha thā TuuTā to sadā aa.ī

uThtā hai qadam lekin raftār ġhunūda hai
niiñd aa ga.ī rastoñ ko manzil kī havā aa.ī

detā hai koī mujhe sadā bāhar aa
ai mire badan meñ qaid havā bāhar aa

kyuuñ banā huā hai hadaf zamāne kā
guzrā hai kyā tujh pe sāneha bāhar aa

huā jaatā hai siine meñ jo dil ḳhuuñ hamdamo shāyad
kahīñ us shoḳh ko mehñdī rachānī apnī yaad aa.ī

lamhoñ ke samundar meñ jaise
bahtā huā chāñd aa rahā hai

huā dil ke jaane kā ab yaqīñ ki vo dard-e-bar meñ mare nahīñ
na vo iztirāb-e-qazā kahīñ na vo hashr-ḳhez balā 'qalaq'

na to ro.e ġhair na ghar rahe na shab-e-firāq meñ mar rahe
na vafā kare na sitam sahe na jafā huī na huā qalaq

na vo maiñ rahā na vo tū rahā na vo aarzū na vo mudda.ā
huā zindagī kā bhī faisla magar ek terā rahā qalaq

maiñ jalā to sho.ale meñ josh thā jo huā maiñ ḳhaak hai zalzala
maiñ hazār shakl badal chukā pa kisī tarah na chhupā qalaq

chaltā huuñ to paḌte haiñ qadam mere havā par
Dartā huuñ havā chalne se inkār na kar de

jab itnī jaañ se mohabbat baḌhā ke rakkhī thī
to kyuuñ qarīb-e-havā sham.a lā ke rakkhī thī

qad tiir sā talvār tavāzo.a se huā hai
vo haath uThāte nahīñ be-dād-garī se