English
Favourite
Favourite
UrduShayarUrduShayar
Expand menu
Sign inAccount

Tags-Gham

ab naam ġham-e-dil kā tasvīr o qalam tak hai
tūfāñ ne safīnoñ meñ DhūñDī haiñ panah-gāheñ
Ghazal
 pai na koi manzil pahunchin na kahin rahen
tum kisī sañg pe ab sar ko Tikā kar so jaao
kaun suntā hai shab-e-ġham kā fasānā sar-e-rāh
Ghazal
 bar-sar-e-baad hua apna Thikana sar-e-rah
terī be-iltifātī kyā koī kam hotī jaatī hai
tabī.at rafta rafta ḳhūgar-e-ġham hotī jaatī hai
Ghazal
 teri be-iltifati kya koi kam hoti jati hai
hazāroñ chāra-gar haiñ aur ġham baḌhte hī jaate haiñ
jo sūrat dekhiye tasvīr-e-mātam hotī jaatī hai
Ghazal
 teri be-iltifati kya koi kam hoti jati hai
kisī kā ġham samo.e jaatā hai rag rag meñ rañg aise
ki apnī zindagī husn-e-mujassam hotī jaatī hai
Ghazal
 teri be-iltifati kya koi kam hoti jati hai
na ehsās-e-ġham-e-jānāñ na ehsās-e-ġham-e-daurāñ
to kyuuñ mānūs-e-girya chashm-e-pur-nam hotī jaatī hai
Ghazal
 teri be-iltifati kya koi kam hoti jati hai
ġham kam haiñ zindagī meñ zarā aur pāliye
jo mas.ale nahīñ haiñ unheñ bhī uchhāliye
Ghazal
 gham kam hain zindagi mein zara aur paliye
dil meñ bikhre the tirī yaad ke phuul
ġham ke lashkar bhī sabā se guzre
Ghazal
 hum baDe dasht-e-bala se guzre
shiddat-e-ġham meñ duā kī thī tujhe bhūlne kī
ab bhare zaḳhm to nādim huuñ ye kyā māñgā thā
Ghazal
 maine kab apni wafaon ka sila manga tha
tū ne har ġham se navāzā hai tirā ḳhaas karam
mujh ko to ye bhī nahīñ yaad ki kyā māñgā thā
Ghazal
 maine kab apni wafaon ka sila manga tha
ai mire dil tujhe pata hai kyā
vo tire ġham se āshnā hai kyā
Ghazal
 ai mere dil tujhe pata hai kya
ek naġhma ik taarā ek ġhuncha ek jaam
ai ġham-e-daurāñ ġham-e-daurāñ tujhe merā salām
Ghazal
 ek naghma ek tara ek ghuncha ek jam
chand taare TuuT kar dāman meñ mere aa gire
maiñ ne pūchhā thā sitāroñ se tire ġham kā maqām
Ghazal
 ek naghma ek tara ek ghuncha ek jam
ġham-e-habīb ġham-e-do-jahāñ nahīñ hotā
agar ḳhulūs-e-vafā be-karāñ nahīñ hotā
Ghazal
 gham-e-habib gham-e-do-jahan nahin hota
nishāt-o-ranj muqaddar kī baat hotī hai
kisī se ġham na kisī se koī ḳhushī māñge
Ghazal
 charagh se kabhi taron se raushni mange
gaah jaltī huī gaah bujhtī huī
sham-e-ġham jhilmilātī rahī raat bhar
Ghazal
 aap ki yaad aati rahi raat bhar
ranj-o-ġham aish-o-ḳhushī jis ke liye ek hī hoñ
umr us shaḳhs kī shāhoñ sī basar ho jaa.e
Ghazal
 jab mohabbat ka kisi shai pe asar ho jae
barbādiyoñ kā ġham nahīñ ġham hai to ye ġham hai
miT kar bhī maiñ ḳhāk-e-dar-e-jānāna nahīñ huuñ
Ghazal
 anjam-e-mohabbat se main begana nahin hun
kyuuñ ho na gir ke kāsa-e-tadbīr paash paash
hai sañg-e-ġham se shīsha-e-taqdīr paash paash
Ghazal
 kyun ho na gir ke kasa-e-tadbir pash pash
ġham-e-dil ab kisī ke bas kā nahīñ
kyā davā kyā duā kare koī
Sher
 gham-e-dil ab kisi ke bas ka nahin
Top Urdushayar.com