Tags-Gham

jaate jaate tanhā.ī kā ġham dene vo aa.e the
tum hī bolo kyā ye un kī ulfat kī sauġhāt huī

ai ġham mujhe yaañ ahl-e-ta.ayyush ne hai gherā
is bhiiḌ meñ tū ai mire ġham-ḳhvār kahāñ hai

jaatā hai ik hujūm-e-ġham ishq-jī ke saath
hañgāma le chale haiñ ham us bhī jahān meñ

ġham khīñchne ko kuchh to tavānā.ī chāhiye
sivayyāñ na dil meñ taab na tāqat hai jaan meñ

ve din ga.e ki ātish-e-ġham dil meñ thī nihāñ
sozish rahe hai ab to har ik ustuḳhvān meñ

ġham rāt-din rahe to ḳhushī bhī kabhī rahī
ik bevafā se apnī baḌī dostī rahī

chale vo bād-e-murād hamdam jo bahr-e-ġham se nikāle bāham
ḳhushī ke bajre lageñ kināre idhar hamāre udhar tumhāre

ḳhudā dikhā.e jo vasl kī shab ḳhushī se gul-gul shagufta hoñ sab
jo daaġh dil par haiñ ġham ke maare idhar hamāre udhar tumhāre

milā hai tum ko jo shahr-e-ḳhūbī to mulk-e-ġham ke haiñ ham bhī vaalī
hue haiñ kishvar do ujāre idhar hamāre udhar tumhāre

ḳhudā uThā.e ye parda-e-ġham jo mil ke ham tum hoñ 'shād' bāham
to kaisī shādī ho ghar meñ pyāre idhar hamāre udhar tumhāre

rahtī hai dil meñ muttasil ātish-e-rañj mustaqil
roz-e-avval se hai ye dil ġham-talab āshnā-talab

ye aa.ina thā magar ġham kī rahguzār meñ thā
aTā huā mirā dil dard ke ġhubār meñ thā

aur kyā pesh karūñ hāsil-e-zabt-e-ġham-e-ishq
chashm-e-giryāñ kī tarah chehra-e-ḳhandāñ kī tarah

jahāñ ġham milā uThāyā phir use ġhazal meñ Dhālā
yahī dard-e-sar ḳharīdā yahī rog ham ne paalā

dushmanoñ ko apnāyā dostoñ ke ġham khaa.e
phir bhī ajnabī Thahre phir bhī ġhair kahlā.e

bār-e-ġham-e-hayāt uThā lūñgā aur bhī
ai inqilāb-e-dahr sambhalne to de mujhe

jo roz kī hai baat vahī baat karo ho
bekār hī yaaro ġham-e-hālāt karo ho

mohabbat kyā mohabbat kā silā kyā
ġham-e-barbādi-e-jins-e-vafā kyā

hameñ duniyā meñ apne ġham se matlab
zamāne kī ḳhushī se vāstā kyā

ham us ke aur us kā ġham hamārā
is andāz-e-karam kā pūchhnā kyā