Tags-Gham

us meñ ġham ke na ḳhushī ke aañsū
aañkh patthar kī banī ho jaise

koī dil jahāñ banā hai ġham-e-ishq kā nishāna
vahīñ raas aa ga.ī hai use gardish-e-zamāna

mirī shā.irī meñ pinhāñ mire dil kī dhaḌkaneñ haiñ
mirī har ġhazal hai goyā ġham-e-ishq kā fasāna

ġham uThāne kā hausla bhī nahīñ
aur is ke binā maza bhī nahīñ

ḳhushī kī sā.ateñ ġham kī fazā na raas aa.ī
ki zindagī ko koī bhī adā na raas aa.ī

jo pairav-e-havā-e-nafs-o-banda-e-havas huā
use ye ġham vo vaqt kā imaam kyuuñ nahīñ rahā

dil-e-ġham-zada pe guzar gayā hai vo hādsa ki mire liye
na to ġham rahā na ḳhushī rahī na junūñ rahā na parī rahī

phir de ke ḳhushī ham use nāshād kareñ kyuuñ
ġham hī se tabī.at hai agar shaad kisī kī

ashk aa.e ġham-e-shah se jo chashm-e-tar meñ
dil jalne lagā taḌap taḌap kar bar meñ

tire qarīb bhī dil kuchh bujhā sā rahtā hai
ġham-e-firāq kā khaTkā lagā sā rahtā hai

tah kar chuke bisāt-e-ġham-o-fikr-e-rozgār
tab ḳhānqāh-e-ishq-o-mohabbat meñ aa.e haiñ

ġham-e-zindagānī ke sab silsile
bil-āḳhir ġham-e-ishq se jā mile

kyā shab-e-vasl ko ghaTānā hai
ġham hijrāñ kī kyuuñ baḌhā.ī baat

ho iid yā moharram ham ġham kiyā kareñge
do roza dahr-e-dūñ meñ mātam kiyā kareñge

raushan rahte haiñ ġham sat.h pe ashkoñ kī
ye patthar paanī par tairā karte haiñ

tujhe ma.alūm kyā hai lazzat-e-ġham
tirā dil ishq se nā-āshnā hai

mile ġham se apne fursat to maiñ haal pūchhūñ un kā
shab-e-ġham se koī kah de kahīñ aur jā ke ro.e

jachte nahīñ nigāh meñ ḳhushiyoñ ke āftāb
dil DhūñDhtā hai kis ġham-e-zohra-e-jamāl ko

ye sūkhī huī fasl-e-ġham jī uThegī
agar khul ga.ī in nigāhoñ kī gaThrī

zabt kā sūraj bhī āḳhir shaam ko Dhal hī gayā
ġham kā bādal ban ke aañsū raat bhar barsā bahut