Tags-Gham

dasht-e-ġham aur har shajar tanhā
raat soī hai be-ḳhabar tanhā

bahut kuchh aur bhī hai is jahāñ meñ
ye duniyā mahz ġham hī ġham nahīñ hai

mirī barbādiyoñ kā ham-nashīno
tumheñ kyā ḳhud mujhe bhī ġham nahīñ hai

ba-īñ sail-e-ġham o sail-e-havādis
mirā sar hai ki ab bhī ḳham nahīñ hai

har fasāna jo kah chukī duniyā
mere ġham kā hī iqtibās rahā

ġham kā paimāna ḳhud batā degā
kaun kitnā tumhāre paas rahā

ġham-e-mohabbat ke ba.ad aatī hai sarhad-e-iltifāt-e-jānāñ
sharāb kī talḳhiyāñ sahoge to lazzat-e-be-ḳhudī milegī

asar naġhmoñ meñ bhī hai nāla-hā-e-ġham meñ bhī 'shā.ir'
magar TuuTe hue dil kī fuġhāñ kuchh aur kahtī hai

ġham-e-ziyāñ ke sivā kuchh nahīñ hai manzil par
safar kā lutf gayā aur ham-safar bhī ga.e

zinda huuñ is tarah ki ġham-e-zindagī nahīñ
jaltā huā diyā huuñ magar raushnī nahīñ

apnā ye sheva to nahīñ thā apne ġham auroñ ko sauñpeñ
ḳhud to jāgte yā sote haiñ us ko kyuuñ be-ḳhvāb kiyā hai

ġham-e-daurāñ se to begāna hue haiñ 'dānish'
tere ġham kī jo ināyat hai hamīñ jānte haiñ

mire nāloñ meñ itnā to asar hai
shab-e-ġham hai magar kuchh muḳhtasar hai

ummīdeñ laa.e the ġham le ke uThe
ye rūdād-e-hayāt-e-muḳhtasar hai

ham aur zikr-e-mohabbat dil aur shikva-e-ġham
ḳhamoshiyoñ ne tumhārī kiyā magar gustāḳh

maiñ samajh rahā huuñ tirī kasak tirā merā dard hai mushtarak
isī ġham kā tū bhī asiir hai isī dukh kā maiñ bhī shikār thā

go aafat o ġham ke maare haiñ
ham ḳhaak nahīñ haiñ taare haiñ

jab josh-e-masarrat hotā hai ham aap se kho.e jaate haiñ
hastī meñ bharam aa jaatā hai jab ġham kī shiddat hotī hai

taaza taaza hai terā ġham 'imrran'
ye kahānī baḌī purānī hai

kis tarah 'amānat' na rahūñ ġham se maiñ dil-gīr
āñkhoñ meñ phirā kartī hai ustād kī sūrat